বোকাজানৰ ডিলাইত বনৰীয়া হাতীৰ তাণ্ডৱ

বনৰীয়া হাতীৰ আক্ৰমণৰ পৰা কথামপি প্ৰাণ ৰক্ষা পৰে যাত্ৰীসহ অ'ট চালকৰ ৷ উল্লেখযোগ্য যে, সেউজ কাৰ্বি পাহাৰৰ বনাঞ্চলসমূহ ধ্বংস কৰাৰ ফলত খাদ্যৰ সন্ধানত ওলাই আহে জাকে জাকে বনৰীয়া হাতী। বনাঞ্চলৰ পৰা জনাঞ্চল লৈ ওলাই অহা বনৰীয়া হাতীৰ জাকে মানুহৰ ঘৰ-দুৱাৰ ভাঙি পেলোৱাৰ লগতে বহু কৃষি ভূমি অনিষ্ট কৰি আহিছে ৷ যাৰ পৰিপ্ৰেক্ষিতত স্থানীয় ৰাইজে বহু হাৰাশাস্তি ভুুগিবলগীয়া হয় বুলি অভিযোগ উত্থাপন হৈছে ৷

ডিফু, 21আগষ্টঃ ৰাজ্যত অব্যাহত আছে বনৰীয়া হাতী আৰু মানুহৰ তীব্ৰ সংঘাত ৷ আজি বোকাজানৰ ডিলাইত বনৰীয়া হাতীয়ে 3৬ নং ৰাষ্ট্ৰীয় ঘাইপথত চকুৰ পচাৰতে ভাঙি লণ্ড-ভণ্ড কৰিলে NL 07F 6180 নম্বৰৰ এখন অট'ৰিক্সা ৷ ইফালে বনৰীয়া হাতীৰ আক্ৰমণৰ পৰা কথামপি প্ৰাণ ৰক্ষা পৰে যাত্ৰীসহ অ'ট চালক ৷ উল্লেখযোগ্য যে, সেউজ কাৰ্বি পাহাৰৰ বনাঞ্চলসমূহ ধ্বংস কৰাৰ ফলত খাদ্যৰ সন্ধানত ওলাই আহে জাকে জাকে বনৰীয়া হাতী। বনাঞ্চলৰ পৰা জনাঞ্চললৈ ওলাই অহা বনৰীয়া হাতীৰ জাকে মানুহৰ ঘৰ-দুৱাৰ ভাঙি পেলোৱাৰ লগতে, বহু কৃষি ভূমি অনিষ্ট কৰি আহিছে ৷ যাৰ পৰিপ্ৰেক্ষিতত বহু হাৰাশাস্তি ভুগিব লগা হয় স্থানীয় ৰাইজে ৷

ইতিমধ্যে কাৰ্বি আংলং জিলাৰ বোকাজানত বনৰীয়া হাতীৰ আক্ৰমণত বহু লোকে প্ৰাণ হেৰুৱাব লগীয়া হৈছে। কিন্তু এইক্ষেত্ৰত বন বিভাগে সম্পূৰ্ণ নিৰ্বিকাৰ ভূমিকা পালন কৰাৰ অভিযোগ স্থানীয় ৰাইজৰ ৷ ইয়াৰ উপৰি স্থানীয় ৰাইজৰ অভিযোগ, ৩৬ নং ৰাষ্ট্ৰীয় ঘাইপথটো অতি শোচনীয় হোৱা বাবে বিভিন্ন ধৰণৰ ঘটনা সংঘটিত হৈ আহিছে ৷ ৰাষ্ট্ৰীয় ঘাইপথটোৰ জৰাজীৰ্ণ ৰূপে বছৰ বছৰ ধৰি জ্বলা-কলা খোৱাই আহিছে সাধাৰণ ৰাইজক ৷ কিন্তু কাণসাৰ নাই কাৰ্বি আংলং স্বায়ত্ব শাসিত পৰিষদৰ বিভাগীয় কৰ্তৃপক্ষৰ ৷ ৰাইজৰ এই অভিযোগৰ পিছত পৰৱৰ্তী সময়ত বিভাগীয় কৰ্তৃপক্ষই কেনেধৰণৰ ব্যৱস্থা গ্ৰহণ কৰে সেইয়া লক্ষণীয় হ'ব ৷

লগতে পঢ়কঃসামাজিক মাধ্যমত আলফাৰ প্ৰচাৰ কৰি আটক যুৱক