ডিফু,6 ছেপ্তেম্বৰ: শনিবাৰে উদীয়মান কবি পূর্ণিমা দেৱীৰ শ্বায়েৰী সংকলন "এমুঠি অনুভৱ তােমাৰ বাবে" উন্মােচন কৰে কার্বি আংলং জিলাৰ প্রথিতযশা সাহিত্যিক, ৰংমিলিৰ হাঁহিৰ স্ৰষ্টা, অসম সাহিত্য সভাৰ প্রাক্তন সভাপতি ৰংবং তেৰাঙে । বিশিষ্ট সাহিত্যিকগৰাকীৰ ডিফুস্থিত নিজা বাসভৱনত অনুষ্টুপীয়াকৈ আয়ােজিত গ্রন্থ উম্মােচনী সভাখনত কাব্য গ্রন্থখন উন্মোচন কৰি সাহিত্যিকগৰাকীয়ে মহামাৰীৰ আতংকৰ মাজতাে একাংশ লােকে সৃষ্টিশীল কাম-কাজৰ সৈতে নিজকে জড়িত ৰখাৰ বাবে অভিনন্দন জনায় ৷
শ্বায়েৰী সংকলনখনি উন্মোচন কৰি তেৰাঙে শ্বায়েৰী মূলতঃ উর্দু সাহিত্যৰ অংশ বুলি মন্তব্য কৰি কবি পূর্ণিমা দেৱীৰ এই সংকলনখনি সম্ভৱতঃ অসমীয়া ভাষাত শ্বায়েৰীৰ প্রথম মৌলিক গ্রন্থ বুলি মন্তব্য কৰে । উল্লেখ্য যে,200 শ্বায়েৰী সন্নিৱিষ্ট সংকলনখনিৰ প্রকাশক সামাজিক মাধ্যমৰ জনপ্রিয় কবিতা গােট অসমীয়া কবিতাৰ চর্চাৰ প্রশাসক আমিনুৰ ৰহমান ।
লগতে চাওকঃ অভিশপ্ত নেকি অগপ: বাৰে বাৰে কিয় বিভাজিত হয় দলটো !
