ডিফু, ১২ জানুৱাৰীঃ বিশিষ্ট লেখক, সাংবাদিক, সাহিত্য সভাৰ প্ৰাক্তন সভাপতি ড৹ নগেন শইকীয়াক বকলিয়াঘাট চিংথুৰ প্ৰকাশনে প্ৰদান কৰা "ৰংবং তেৰাং সমন্বয় বঁটা" ৷ দেওবাৰে বকলিয়াঘাট উচ্চতৰ মাধ্যমিক বিদ্যালয় প্ৰাংগনত আনুষ্ঠানিকভাবে প্ৰদান কৰে এই বঁটা ৷
বঁটা গ্ৰহণ অনুষ্ঠানৰ ভাষণত বিশিষ্ট সাহিত্যিক গৰাকীয়ে আগবঢ়োৱা ভাষণত সাহিত্যিক গৰাকীয়ে সাহিত্য সভাৰ দায়িত্বত থকা অৱস্থাত সাহিত্যিক ৰংবং তেৰাং আৰু ছেমছিং হাঞ্চেৰ সৈতে থকা স্মৃতি ৰোমন্থন কৰে ৷
আনহাতে, অসমীয়া জাতিসত্বা গঠন প্ৰক্ৰিয়া সন্দৰ্ভত গুৰুত্বপূৰ্ণ মন্তব্য প্ৰদান কৰি সাহিত্যিক গৰাকীয়ে অনাগত দিনত সকলো জাতি জনগোষ্ঠীয়ে সমন্বয়ৰ মাজেৰে অসমীয়া জাতি সত্বাক ঐক্যবদ্ধ কৰি ৰখাৰ বাবে মত পোষণ কৰে ৷
তাৰোপৰি পদ্মশ্ৰী ৰংবং তেৰাঙে নিজ হাতেৰে ড৹ নগেন শইকীয়ীক এই বঁটা প্ৰদান কৰা বাবে আনন্দ প্ৰকাশ কৰাৰ লগতে নিজৰ বাসগৃহত সাহিত্যিক গৰাকীক আদৰিবলৈ পাই বৰ্ণণাতীত সুখ লাভ কৰা বুলি মন্তব্য কৰে ৷ লগতে অনুষ্ঠানত ৰংবং তেৰাঙৰ বাস্তৱ ভিত্তিক উপন্যাস "উৰুখা পঁজাৰ কাব্য" আৰু ভবেন কোঁচৰ "শিলভেটাৰ চকুলোঁ" উপৰিও আন দুখন গ্ৰন্থ উন্মোচন কৰে ৷
