ডিফু, 14 জুন : ‘‘গুৱাহাটীৰ বৰষুণ মই দেখিছো ৷ কৃত্ৰিম বানে মহানগৰবাসীক জুৰুলা কৰিছে ৷ পূৰ্বতকৈ এইবাৰ বেছিকৈ বৰষুণ হৈছে(Heavy rainfall in Assam) ৷ যাৰ বাবে এই সমস্যা সমাধানৰ বাবে কাউঞ্চিলাৰসকলে দিন-ৰাতি একাকাৰ কৰি কাম কৰি আছে’’ ৷ মঙলবাৰে ডিফুৰ টাউন হলত আয়োজন কৰা ৰাজ্যিক বিজেপিৰ কাৰ্যনিৰ্বাহক সভাত অংশ লৈ এই মন্তব্য কৰে সাংসদ তথা মহানগৰীৰ প্ৰাক্তন মেয়ৰ কুইন ওজাই (MP Queen Oja comments on Guwahati artificial floods) ৷
আনহাতে, 2016 চনৰ পৰা বিজেপিৰ শাসন থকাৰ পিছতো গুৱাহাটী চহৰৰ কৃত্ৰিম বানৰ সমস্যা (Artificial floods in Guwahati) সমাধান পথ কিয় উদ্ভাৱন নহ’ল বুলি সাংবাদিকে কৰা প্ৰশ্নত সাংসদগৰাকীয়ে কয়, ‘‘মই বৈজ্ঞানিক নহয় ৷ চৰকাৰে সমস্যা সমাধানৰ চেষ্টা কৰি আছে যদিও সফল হ’ব পৰা নাই ৷ এই সন্দৰ্ভত চৰকাৰৰো দায়িত্ব আছে আৰু চৰকাৰে দায়িত্ব পালন কৰি আছে ৷সকলোৱে প্ৰকৃতিৰ লগত সহাৱস্থান কৰি প্ৰকৃতি ধ্বংস কৰাৰ বাবে হয়তু এনে দুৰ্যোগ ভোগ কৰিব লগীয়া হৈছে’’ ৷
লগতে গুৱাহাটী মহানগৰীৰ ক'ত ক'ত পানী জমা হয়, সেই স্থানবোৰৰ পৰা পানী উলিয়াই দিয়াৰ ব্যৱস্থা চৰকাৰে গ্ৰহণ কৰি আছে বুলিও মন্তব্য কৰে সাংসদ কুইন ওজাই ৷ আনহাতে, সাংসদগৰাকী অমৃত সৰোবৰ আঁচনিৰ জৰিয়তে সৰোবৰ খান্দি সৰোবৰত পানী বিশেষকৈ বৰষুণৰ পানী সংৰক্ষণ কৰাৰ ব্যৱস্থা গ্ৰহণ কৰা হ’ব বুলিও সাংবাদিকৰ আগত সদৰি কৰে ৷
লগতে পঢ়ক : প্ৰৱল বৰষুণৰ সম্ভাৱনা: বুধবাৰে গুৱাহাটীত স্কুল-কলেজ বন্ধ ৰখাৰ পৰামৰ্শ জিলা উপায়ুক্তৰ
