মাজনিশা ডিফু চহৰত সংঘটিত ভয়াৱহ অগ্নিকাণ্ড

বুধবাৰে মাজনিশা ডিফু চহৰৰ মাজমজিয়াত অৱস্থিত এ এছ ই বি মাৰ্কেটত সংঘটিত হয় অগ্নিকাণ্ডৰ ঘটনা ৷ অগ্নিকাণ্ডৰ ফলত জুইত জাহ যায় প্ৰায় লক্ষাধিক টকাৰ সামগ্ৰী ৷

ডিফু, 16 জুলাই: সান্ধ্য আইনৰ মাজতে ডিফু চহৰত মাজনিশা সংঘটিত হয় এক অগ্নিকাণ্ডৰ ঘটনা ৷ ডিফু চহৰৰ মাজমজিয়াত অৱস্থিত এ এছ ই বি মাৰ্কেটত সংঘটিত হয় এই অগ্নিকাণ্ড ৷ অগ্নিকাণ্ডৰ ফলত পদপথৰ ওপৰতে গঢ়ি উঠা প্ৰায় ২০ খন ক্ষুদ্ৰ ব্যৱসায়ীৰ দোকান সম্পূৰ্ণৰূপে ভস্মীভূত হয় ৷

প্ৰায় লক্ষাধিক টকাৰ সা-সম্পত্তি জুইত জাহ যায় বুলি জানিব পৰা গৈছে ৷ অগ্নিকাণ্ড সংঘটিত হোৱাৰ খবৰ পোৱাৰ কিছু সময়ৰ ভিতৰতে ডিফু আৰক্ষীৰ লগতে অগ্নিনিৰ্বাপক বাহিনীৰ দল উপস্থিত হয় ঘটনাস্থলীত ৷ আৰক্ষীৰ সহযোগত অগ্নিনিৰ্বাপক বাহিনীৰ লোকে জুই নুমুৱাবলৈ সক্ষম হয় ৷ এতিয়াও জানিব পৰা হোৱা নাই অগ্নিকাণ্ডৰ মূল কাৰণ ৷

লগতে পঢ়ক: ভূটানত নিৰ্মাণৰত জলবিদ্যুৎ প্ৰকল্প অভিশাপ হ'ব পাৰে নামনি অসমলৈ