কেবক লৈ আইনী যুঁজ দিবলৈ বৰঙণি সংগ্ৰহৰ আহ্বান জে আই কাথাৰৰ

প্ৰয়োজন সাপেক্ষে বিধেয়কখন নাকচ কৰাৰ বাবে উচ্চচতম ন্যায়ালয় আৰু ৰাষ্ট্ৰসংঘৰ আদালতত যুঁজ দিয়াৰ কথা ব্যক্ত কৰে কাৰ্বি আংলঙৰ আঞ্চলিক দল এপিএইছএলচিৰ সভাপতি তথা অৱসৰপ্ৰাপ্ত আইএছ বিষয়া জে আই কাথাৰে ৷ শুকুৰবাৰে ডিফুৰ ছেমছনছিং ইংতি মেম’ৰিয়েল পাৰ্কত কেবৰ বিৰুদ্ধে সাব্যস্ত কৰা প্ৰতিবাদী কাৰ্যসূচীত অংশগ্ৰহণ কৰি এই কথা ঘোষণা কৰে কাথাৰে ৷

ডিফু, 13 ডিচেম্বৰঃ ৰাষ্ট্ৰপতিৰ স্বাক্ষৰৰ পিছতেই আইনলৈ পৰিৱৰ্তন হ’ল নাগৰিকত্ব সংশোধনী বিধেয়ক 2019 ৷ ইয়াৰ পিছতেই আইনখনৰ বিৰুদ্ধে আইনী যুঁজ দিবলৈ অগ্ৰসৰ হৈছে একাংশ দল-সংগঠন ৷ প্ৰয়োজন সাপেক্ষে আইনখন নাকচ কৰাৰ বাবে উচ্চতম ন্যায়ালয় আৰু ৰাষ্ট্ৰসংঘৰ আদালতত যুঁজ দিয়াৰ কথা উল্লেখ কৰে কাৰ্বি আংলঙৰ আঞ্চলিক দল এপিএইছএলচিৰ সভাপতি তথা অৱসৰপ্ৰাপ্ত আইএছ বিষয়া জে আই কাথাৰে ৷ শুকুৰবাৰে ডিফুৰ ছেমছনছিং ইংতি মেম’ৰিয়েল পাৰ্কত কেবৰ বিৰুদ্ধে সাব্যস্ত কৰা প্ৰতিবাদী কাৰ্যসূচীত অংশগ্ৰহণ কৰি এই কথা ঘোষণা কৰে কাথাৰে ৷ আইনী প্ৰক্ৰিয়াৰ বাবে প্ৰয়োজনীয় ধনৰ বাবে প্ৰতিঘৰকে নুন্যতম 500 টকাকৈ বৰঙনি সংগ্ৰহ কৰি এটা একাউন্টত জমা ৰাখিবলৈ উপদেশ দিয়ে অৱসৰপ্ৰাপ্ত বিষয়াগৰাকীয়ে ৷

উল্লেখ্য যে, শুকুৰবাৰে ডিফুৰ নাগৰিক সমাজ, ছাত্ৰ সমাজ আৰু সাধাৰণ ৰাইজে বিয়লি 3 বজাৰ পৰা সন্ধিয়া 5 বজালৈ অৱস্থান ধৰ্ণা কাৰ্যসূচী ৰূপায়ন কৰে ৷ আনহাতে, উদ্ভৱ হ’ব পৰা যিকোনো অপ্ৰীতিকৰ পৰিস্থিতি ৰোধ কৰিবলৈ জিলাখনত সষ্টম হৈ আছে জিলা আৰক্ষী প্ৰশাসন ৷

লগতে পঢ়ক-কলগাছিয়াত কৃষক মুক্তিৰ কেব বিৰোধী প্ৰতিবাদ