ডিফু, ১৩ অক্টোবৰ : পাহাৰীয়া জিলা কাৰ্বি আংলঙৰ ডিফুত সংঘটিত হৈছে এক অলৌকিক ঘটনা ৷ প্ৰাপ্ত খবৰ অনুসৰি ডিফুৰ লুৰুলাংচত আজি পুৱাৰে পৰা এটা ষ্ট্ৰীট লাইট প’ষ্টৰ তলৰ পৰা গেছ নিৰ্গমণ হোৱাক লৈ এলেকাটোত চাঞ্চল্যৰ সৃষ্টি হয় ৷ প্ৰাতঃ ভ্ৰমণলৈ ওলাই অহা লোকে এটা বিদ্যুতৰ খুঁটাৰ তলৰ পৰা ধোঁৱা ওলাই থকা দেখাত লুৰুলা’চলত চাঞ্চল্যৰ সৃষ্টি হয় ৷
বিদ্যুত খুঁটাটোৰ তলৰ পৰা এটা শব্দ কৰি পুৱাৰে পৰা ধোঁৱা নিৰ্গত হৈ আছে ৷ কি কাৰণে এনে হৈছে তাক লৈ সকলো উদ্বিগ্ন ৷ তলত চূণশিল থাকিলেও ইমান বছৰে এইদৰে গেছ নিগৰ্মণ হোৱা নাছিল ৷ সেয়ে ডিফু নগৰৰ লুৰুলা’চৰ ৰাইজে বিষয়টো ভূতত্ববিদেহে ক’ব পাৰিব বুলি মত ব্যক্ত কৰিছে ৷
লগতে পঢ়ক : তিনিদিনৰ পাচতো নীলা পানীৰ হ্ৰদত সন্ধান নাই বিকি কলিতাৰ
