ডিফু, ২৩ জানুৱাৰী: সোমবাৰে ডিফুস্থিত কাছা খেল পথাৰত বিজেপি, কাছা আৰু কে এ এফ এচিৰ যৌথ উদ্যোগত Exam Warriors শীৰ্ষক চিত্ৰাংকন প্ৰতিযোগিতা অনুষ্ঠিত কৰা হয় ৷ নৱম শ্ৰেণীৰ পৰা দ্বাদশ শ্ৰেণীৰ ছাত্ৰ-ছাত্ৰীৰ মাজত প্ৰধানমন্ত্ৰী নৰেন্দ্ৰ মোদীৰ Exam Warriors নামৰ পুথিখনৰ মন্ত্ৰৰ অংশ স্বৰূপে সোমবাৰে আয়োজিত চিত্ৰাংকন প্ৰতিযোগিতা অনুষ্ঠিত কৰা হয় বুলি জানিবলৈ দিয়ে উদ্য়োক্তাসকলে (Exam Warriors art competition at Diphu) ৷
সাংসদ হৰেণ ছিং বে'ই এই সন্দৰ্ভত সাংবাদিকৰ সৈতে হোৱা বাৰ্তালাপত কয় যে, উচ্চ মাধ্যমিক আৰু উচ্চতৰ মাধ্যমিক পৰীক্ষাৰ পূৰ্বে ছাত্ৰ-ছাত্ৰী সকলৰ ওপৰত পৰা চাপৰ পৰা মুক্ত কৰিবলৈ প্ৰধানমন্ত্ৰী নৰেন্দ্ৰ মোদীয়ে 34 টা বিশেষ মন্ত্ৰ সম্বলিত ২০০ পৃষ্ঠা জোৰা এক পুথি লিখি উলিয়াইছে (Exam Warriors Booklet by PM Modi) ৷ সেই মন্ত্ৰ সমুহৰ অংশ হৈছে চিত্ৰাংকন প্ৰতিযোগিতা অন্যতম ৷ ছাত্ৰ-ছাত্ৰীসকলে যাতে পৰীক্ষাক পৰীক্ষা নুবুলি উৎসৱ হিচাপে পালন কৰে এয়াই হ'ল এনেবোৰ প্ৰতিযোগিতাৰ লক্ষ্য আৰু উদ্দেশ্য ৷
সেয়ে সোমবাৰে ডিফুত ছাত্ৰ-ছাত্ৰীৰ মাজত এই চিত্ৰাংকন প্ৰতিযোগিতা অনুষ্ঠিত কৰা হৈছে বুলি সদৰী কৰে সাংসদ হৰেণ ছিং বে'ই ৷ এই প্ৰতিযোগিতাৰ বাবে প্ৰথম, দ্বিতীয় আৰু তৃতীয় স্থান প্ৰাপ্ত সকলক পুৰষ্কৃত কৰা হ'ব বুলি কয় সাংসদ গৰাকীয়ে ৷ এই অনুষ্ঠানত প্ৰতিযোগিতাখনৰ সমন্বয়ক হিচাপে কাৰ্বি আংলং ক্ৰীড়া সন্থাৰ সাধাৰণ সম্পাদক ড৹ পংকজ টেৰণ আৰু কাৰ্বি আংলং ফাইন আৰ্টছ আৰু ক্ৰাফ্ট এছচিয়েছনৰ সমন্বয়ক তথা ডিফু চৰকাৰী মহাবিদ্যালয়ৰ প্ৰাক্তন অধ্যক্ষ নবীন তেৰাং উপস্থিত থাকে ৷