একাংশ সাংবাদিকক সাংবাদিক বীমাৰ সুবিধা প্ৰদান নকৰিবলৈ দাবী

কাৰ্বি আংলং জিলা প্ৰেছ ক্লাৱে একাংশ সাংবাদিকক সাংবাদিক বীমাৰ সুবিধা প্ৰদান নকৰিবলৈ কাৰ্বি আংলঙ স্বায়ত্তশাসিত পৰিষদক আহ্বান জনাইছে ৷ এক বিবৃতিত উল্লেখ কৰা অনুসৰি, যিসকল সাংবাদিকে চৰকাৰী চাকৰি বা চৰকাৰে প্ৰদান কৰা অনান্য সুবিধা সমূহ ভোগ কৰি আছে সেই সকলক সাংবাদিকক বীমাৰ সুবিধা প্ৰদান নকৰিবলৈ দাবী জনাইছে কাৰ্বি আংলং জিলা প্ৰেছ ক্লাৱে ৷

ডিফু, ২৪ এপ্ৰিল: চৰকাৰী চাকৰি লাভ কৰা একাংশ সাংবাদিকক সাংবাদিক বীমাৰ সুবিধা প্ৰদান নকৰিবলৈ কাৰ্বি আংলঙ স্বায়ত্তশাসিত পৰিষদক আহ্বান জনাইছে কাৰ্বি আংলং জিলা প্ৰেছ ক্লাৱ চমুকৈ ডিপিচিকেএ ৷ এই সন্দৰ্ভত ডিপিচিকেএৰ এটা দলে কাৰ্বি আংলং স্বায়ত্তশাসিত পৰিষদৰ মুখ্য কাৰ্যবাহী সদস্য তুলিৰাম ৰংহাঙক সাক্ষাৎ কৰি এক স্মাৰক পত্ৰ প্ৰদান কৰে ৷

স্মাৰক পত্ৰখনত উল্লেখ কৰা অনুসৰি, একাংশ সাংবাদিকে চৰকাৰী চাকৰি বা চৰকাৰে প্ৰদান কৰা অনান্য সুবিধা সমূহ ভোগ কৰি আছে ৷ সেয়ে সাংবাদিক বীমা সুবিধা প্ৰদান কৰাৰ আগতে সাংবাদিক সকলক ডিপিচিকেৰ দ্বাৰা পৰীক্ষা কৰোৱাব লাগিব বুলি দাবী জনায় ৷

তদুপৰি কাৰ্বি আংলঙত স্থায়ীভাৱে বসবাস কৰা সাংবাদিক সকলকহে এই সুবিধা প্ৰদান কৰিবলৈ মুখ্য কাৰ্যবাহী সদস্য গৰাকীক ডিপিচিকেএই দাবী জনায় ৷ ডিপিচিকেএৰ সভাপতি আৰু সাধাৰণ সম্পাদক দিগন্ত টেৰণ আৰু ডেনিয়েলচন বে'ই এক বিবৃতি যোগে এই কথা সংবাদ মাধ্যমক আগত সদৰি কৰে ৷

লগতে পঢ়ক : ONGC ৰ অপহৰণ কাণ্ডৰ লগত জড়িত বিপ্লৱজ্যোতি মহন !