ডিফু, ১৯ এপ্ৰিল : সোমবাৰে কাৰ্বি আংলং জিলাৰ ডিফুস্থিত সহকাৰী সত্ৰ ন্যায়াধীশৰ আদালতে নাবালিকা ধৰ্ষণৰ এক গোচৰৰ ঐতিহাসিক ৰায় প্ৰদান কৰে (Verdict of Howraghat rape case)৷ ডিফু জিলা ও সত্ৰ ন্যায়াধীশৰ আদালতৰ অতিৰিক্ত লোক অধিবক্তা সঞ্জয় কুমাৰ যাদৱে সাংবাদিকৰ আগত উক্ত ৰায়দানৰ কথা সদৰি কৰে ৷
লোক অধিবক্তা গৰাকীয়ে দিয়া বিৱৰণি অনুসৰি ২০০৫ চনৰ ২৯ অক্টোবৰত হাওৰাঘাট থানা এলেকাত এগৰাকী নাবালিকা ছাত্ৰীয়ে বিদ্যালয়ৰ পৰা ঘৰলৈ গৈ থকা পথত সঞ্জয় দাস নামৰ এজন লোকে নাবালিকাগৰাকীক অসৎ কাৰ্যৰ প্ৰয়াস কৰে (Minior rape in Karbi Anglong) ৷ নাবালিকাগৰাকীয়ে আত্মৰক্ষাৰ চেষ্টা কৰে যদিও সঞ্জয় দাসে নাবালিকাগৰাকীৰ মূৰত আঘাত কৰি অজ্ঞান কৰে ৷
কিছু সময়ৰ পাছত হিতাহিত জ্ঞান ঘূৰি অহাত ছাত্ৰীগৰাকীয়ে ধৰ্ষিতা হোৱাৰ কথা গম পায় ৷ পৰৱৰ্তী সময়ত নাবালিকাগৰাকীয়ে আত্মীয়ৰ ঘৰলৈ গৈ ঘটনা সন্দৰ্ভত বিৱৰি কয় ৷ সমগ্ৰ ঘটনাৰ সন্দৰ্ভত ছাত্ৰীগৰাকীৰ পৰিয়ালৰ লোকে দিয়া এজাহাৰৰ ভিত্তিত হাওৰাঘাট থানাত ১৩৯/২০০৫ নম্বৰত এক গোচৰ ৰুজু হয় ৷ ইয়াৰ পিছত জিআৰ ৪৯৯/২০০৫ আৰু ছেচন ক’ৰ্টত ৪/২০০৭ নম্বৰৰ গোচৰৰ ভিত্তিত বিচাৰ প্ৰক্ৰিয়া আৰম্ভ হয় ৷
যাৱতীয় নথি-পত্ৰ আৰু সাক্ষীৰ শুনানিৰ পিছত সুদীৰ্ঘ ১৭ বছৰৰ পাছত 18 এপ্ৰিল অৰ্থাৎ সোমবাৰে ডিফুৰ সহকাৰী সত্ৰ ন্যায়াধীশ মিছবাহুল হাছান আনচাৰীৰ আদালতে সঞ্জয় দাসৰ বিৰুদ্ধে ১০ বছৰৰ সশ্ৰম কাৰাদণ্ডৰৰ আদেশ দিয়াৰ লগতে ১০ হাজাৰ টকাৰ জৰিমনা বিহে ৷ জৰিমনা অনাদায় কৰিলে অতিৰিক্ত দুমাহৰ কাৰাদণ্ড হ’ব বুলিও ৰায়দান কৰে আদালতে ৷ উক্ত গোচৰত চৰকাৰী অধিবক্তা হিচাপে থাকে অতিৰিক্ত লোক অধিবক্তা সঞ্জয় কুমাৰ যাদৱ আৰু প্ৰতিপক্ষৰ অধিবক্তা হিচাপে থাকে উত্তম পাল ৷
লগতে পঢ়ক: নিৰ্বাচনী আচৰণ বিধি ভংগৰ অভিযোগত মুখ্যমন্ত্ৰীৰ বিৰুদ্ধে তদন্তৰ নিৰ্দেশ নিৰ্বাচন আয়োগৰ
