ধুবুৰী, 30 জুনঃ ধুবুৰী ভোলানাথ মহাবিদ্যালয় কোৱাৰেণ্টাইন চেণ্টাৰত এতিয়াও ধুবুৰী জিলাৰ বিভিন্ন প্ৰান্তৰ কেইবাজনো লোক আছে । যোৱা নিশাও এই দুজন লোক বহিঃৰাজ্যৰ পৰা এ এছ টি চিৰ বাছেৰে ধুবুৰী জিলাৰ বহলপুৰত নাম পঞ্জীয়ন কৰাই ধুবুৰীত উপস্থিত হয়। ইউ পিৰ পৰা অহা মস্তফা আলী সৰকাৰ আৰু হায়দৰাবাদৰ পৰা অহা আশ্রফ আলী নামৰ লোক দুজনক বাছৰ পৰা নমাই দিয়াৰ পিছত ধুবুৰী ভোলানাথ কলেজত উপস্থিত হয় যদিও মূল গেট খন বন্ধ থকাত বহু সময় অপেক্ষা কৰিও কোনো সঁহাৰি নাপাই লোক দুজনে সহায় বিচাৰি গৈ উপস্থিত হয় কাষতে থকা বি এন কলেজ নগৰ আৰক্ষী চকীত। বি এন কলেজ নগৰ আৰক্ষীয়ে তেওঁলোকক কোৱাৰেণ্টাইন চেণ্টাৰত থাকিবলৈ দিয়াৰ ক্ষেত্ৰত কোনো ব্যৱস্থা নকৰাকৈ ওলোটাই তেওঁলোকক বেয়াকৈ মাৰপিট কৰাৰ অভিযোগ উত্থাপন কৰিছে যুৱকদ্বয়ে। পিছত অৱশ্যে আৰক্ষীয়ে কোৱাৰেণ্টাইন চেণ্টাৰত থৈ অহাৰ কথা জনাই ৷
যুৱকক মাৰপিটৰ অভিযোগ
