ডিফু, 16 নৱেম্বৰ : বিশিষ্ট সামাজিক কর্মী, এএছডিচি দলৰ সভাপতি ডিফুৰ চন্দ্ৰকান্ত তেৰাঙক প্ৰদান কৰা হৈছে ‘ভাৰতজ্যোতি বঁটা’ । 'ইণ্ডিয়া ইন্টাৰনেশ্যনেল ফ্ৰেইণ্ডশ্বিপ চছাইটী'(India Internarional friendship society) ৰ উদ্যোগত 12নৱেম্বৰত অনুস্থিত হোৱা এক অনুষ্ঠানত সামাজিক ক্ষেত্ৰখনলৈ আগবঢ়োৱা গুৰুত্বপূর্ণ অৱদানৰ বাবে কাৰ্বি আংলঙৰ জ্যেষ্ঠ নেতাগৰাকীক এই সন্মান প্ৰদান কৰা হৈছে ।
বিগত 12 নৱেম্বৰত নতুন দিল্লীত আয়োজন কৰা এক বিশেষ অনুষ্ঠানত চন্দ্ৰকান্ত তেৰাঙক আনুষ্ঠানিকভাৱে এই বঁটা প্ৰদান কৰা হয় । শুকুৰবাৰে ডিফুত সাংবাদিকৰ সৈতে হোৱা বার্তালাপত জ্যেষ্ঠ নেতাগৰাকীয়ে বঁটা গ্ৰহণ কৰি যথেষ্ট আনন্দিত হোৱা বুলি মন্তব্য কৰে ৷ লগতে বিভিন্ন ক্ষেত্ৰত সামাজিক ক্ষেত্ৰখনলৈ সেৱা আগবঢ়োৱাৰ ক্ষেত্ৰত অনুপ্ৰেৰণা দি অহা সকলোকে ধন্যবাদ জ্ঞাপন কৰে ৷
লগতে পঢ়ক : ৰাঘৱ জুয়ালৰ বিৰুদ্ধে বৰ্ণবৈষম্যৰ অভিযোগ : ড৹ হিমন্ত বিশ্ব শৰ্মাৰ প্ৰতিক্ৰিয়া
