ৰঙিয়া, 18 ছেপ্তেম্বৰ: জনস্বাস্থ্য কাৰিকৰী বিভাগৰ বিকল হৈ থকা পানী যোগান আঁচনিসমূহৰ ভিতৰত অন্যতম ৰূপে ৰঙিয়াৰ তৰণীৰ এপ’ল’ মিলৰ কাষৰ পানী যোগান আঁচনিখনো অন্তৰ্ভুক্ত হৈছে ৷ স্থানীয় ৰাইজৰ অভিযোগ অনুসৰি, প্ৰায় 6 বছৰ পূৰ্বে নিৰ্মাণ কৰা আঁচনিখনৰ পৰা আজিলৈকে লাভান্বিত হোৱা নাই ৰঙিয়াবাসী ৷
প্ৰায় 1 কোটি টকা খৰচ কৰি নিৰ্মাণ কৰা আঁচনিখনৰ পাইপলাইনৰ কামো কেইবছৰমান পূৰ্বে সম্পূৰ্ণ হৈছিল যদিও এতিয়াও ৰাইজে খোৱা পানীৰ পৰা বঞ্চিত হৈ থাকিবলগীয়া হৈছে ৷ ইমান দিনে আঁচনিখনৰ মেচিনসমূহ ব্যৱহাৰ নকৰাৰ ফলত এইসমূহ জহি-খহি যাব বুলি ৰাইজে আশংকা প্ৰকাশ কৰিছে ৷
6 বছৰ ধৰি বিকলাৱস্থাত ৰঙিয়াৰ পানী যোগান আঁচনি
সেয়েহে অচিৰেই জনস্বাস্থ্য কাৰিকৰী বিভাগে আঁচনিখন কাৰ্যক্ষম কৰি ৰাইজক বিশুদ্ধ খোৱা পানী যোগান ধৰিবলৈ আহ্বান জনাইছে ভুক্তভোগী ৰাইজে ৷
লগতে পঢ়ক: ঠিকাদাৰৰ গফলিতিৰ বাবে নগাঁৱত যুৱকৰ মৃত্য়ু
