কেইবাটাও গুৰুত্ব পূৰ্ণ বিষয় লৈ মন্ত্ৰী ড৹ হিমন্ত বিশ্ব শৰ্মাৰ সংবাদমেল
কৰ’না ভাইৰাছৰ এনে ভয়াবহতাৰ প্ৰতি লক্ষ্য ৰাখি ৰাজ্যৰ স্বাস্থ্য বিভাগে গ্ৰহণ কৰিছে কেতবোৰ নতুন পদক্ষেপ ৷ বিশেষকৈ হোম কোৱাৰেন্টাইনত থাকিব খোজা ক’ভিড আক্ৰান্ত লোক সকলৰ ক্ষেত্ৰত লৈছে কেইবাটাও গুৰুত্ব পূৰ্ণ সিদ্ধান্ত ৷ স্বাস্থ্য মন্ত্ৰী ডঃ হিমন্ত বিশ্ব শৰ্মাই জানিবলৈ দিয়া মতে এতিয়াৰে পৰা কোনো লোক হোম কোৱাৰেন্টাইন হৈ থাকিব খুজিলে ল’ব লাগিব ওচৰচুবুৰীয়াৰ পৰামৰ্শ ৷ চুবুৰীয়াৰ কোনো আপত্তি নাথাকিলে কৰ’নাত আক্ৰান্ত লোকজন থাকিব পাৰিব হোম কোৱাৰেন্টাইনত ৷ কিন্তু তাৰ বাবে লোকজনৰ থাকিব লাগিব পাল্চ অক্সিমিটাৰ ক্ৰয় কৰাৰ সামৰ্থ ৷ লগতে থাকিব লাগিব এজন ব্যক্তিগত চিকিৎসক ৷ যিয়ে কৰ’না আক্ৰান্ত লোকজনৰ পাল্চ অক্সিমিটাৰ প্ৰতিমুহূৰ্ততে পৰীক্ষা কৰি থাকিব ৷
আঞ্চলিক গণ মৰ্চাৰ সংগ ত্যাগ এল ডি পিৰ
আঞ্চলিক গণ মৰ্চাৰ নেতৃত্বই শেহতীয়াকৈ যোৱা কেইদিনত 'বিজেপিক পৰাভূত কৰাৰ বাবে' কংগ্ৰেছ আৰু এ আই ইউ ডি এফৰৰ লগত বুজাপৰা বা মিত্ৰতা কৰাৰ বাবে আগ্ৰহী হৈ উঠাৰ লগে লগে মৰ্চাৰ সহযোগী কেইবাটাও দল সংগঠন তথা ব্যক্তি বিশেষে অসন্তুষ্টি প্ৰকাশ কৰিছে । তেনে আভ্যন্তৰীণ মনোমালিন্যৰ কাৰণেই শনিবাৰে এই মৰ্চাৰ পৰা আঁতৰি অহাৰ সিদ্ধান্ত লৈছে লিবাৰেল ডেম'ক্ৰেটিক পাৰ্টি চমূকৈ এল ডি পিয়ে ।
জালুকবাৰী আৰক্ষীৰ জালত গভাইত চোৰৰ দল
দীৰ্ঘদিন ধৰি জালুকবাৰী-মালিগাঁও অঞ্চলত চুৰিকাণ্ড সংঘটিত কৰি আহিছিল এটা চোৰৰ দলে । অঞ্চলটোত চুৰিকাণ্ডৰে ত্ৰাসৰ সৃষ্টি কৰা টকলা নামৰ চোৰটোক গ্ৰেপ্তাৰ কৰিবলৈ সক্ষম হৈছে জালুকবাৰী আৰক্ষীয়ে ।
বিজেপি সংখ্যালঘু মৰ্চাৰ জিলা সভাপতিক দলবদ্ধ আক্ৰমণ
শনিবাৰে সন্ধিয়া ৯ মান বজাত লক্ষীপুৰৰ তালতোলাত সংঘটিত হয় এক দলবদ্ধ আক্ৰমণৰ ঘটনা । বিজেপি সংখ্যালঘু মৰ্চাৰ জিলা সভাপতি নুৰজামাল শিকদাৰক দলবদ্ধ আক্ৰমণ । আক্ৰমণত গুৰুতৰ আহত শিকদাৰ ।
ম্যাদ ওকলা সমাগ্ৰীৰে গ্ৰাহকক ঠগন গোলাঘাট চহৰৰ একাংশ ব্য়ৱসায়ীৰ
গোলাঘাট নগৰৰ প্ৰায়খিনি বেকাৰী, মিঠাই কাৰখানাসমূহে অস্বাস্থ্যকৰ পৰিবেশত খাদ্য সামগ্ৰী প্ৰস্তুত কৰি আহিছে যদিও খাদ্য সুৰক্ষা বিভাগে এইসমূহ অভিযোগ কেতিয়াও গুৰুত্ব প্ৰদান কৰা নাই । সাধাৰণ গ্ৰাহক দেখা পালেই দোকানত বহু দিনৰ পৰা পৰি থকা বৰবিহ সদৃশ সামগ্ৰী বিক্ৰী কৰি আহিছে নগৰৰ একাংশ দোকানীয়ে । এই সন্দৰ্ভত নগৰখনৰ বহু কেইখন দোকানৰ বিৰুদ্ধে গোলাঘাট প্ৰশাসনে ব্যৱস্থা লৈছে যদিও নাকি লগাব পৰা নাই নগৰখনৰ অসাধু ব্যৱসায়ী সকলক।
এবছৰত নিৰ্মাণ হ’ব লগীয়া গড়কাপ্তানি পথৰ আধাও হৈ নুঠিল দুবছৰে
৩২৪,৪৪ লাখ টকাৰে ৪.৫০ কি:মি: দৈঘ্যৰ এটা পথৰ নিৰ্মাণ সম্পূৰ্ণ হোৱা নাই দুবছৰে ৷ নিবিদা আদায়ৰ সময়ত নিৰ্মাণৰ বাবে সময় ধাৰ্য কৰা হৈছিল এবছৰ ৷ কিন্তু এবছৰৰ ভিতৰত কাম আধৰুৱা কৰি বৰ্তমানলৈকে পথটোৰ নিৰ্মাণৰ কাম পেলাই থৈছে ঠিকাদাৰে ৷
কলিয়াবৰত নতুন ৰূপত থিয় দিয়াৰ অংগীকাৰ কংগ্ৰেছৰ
যোৱা বিধান সভাৰ নিৰ্বাচনসমূহত বিভিন্ন দলীয় অন্তঃকন্দলেৰে বিৰোধী প্ৰাৰ্থীক বাট প্ৰশস্ত কৰি দিয়া বুলি চৰ্চিত কলিয়াবৰ কংগ্ৰেছে সেই অপবাদৰ পৰা মুক্ত হোৱাৰ পৰিকল্পনা হাতত লৈছে । কলিয়াবৰ বিধান সভা সমষ্টিত বিভিন্ন দলীয় খাম-খেয়ালীৰ বাবে যোৱা পাঁচটা বিধান সভা নিৰ্বাচনত মুখ ঠেকেচা খোৱাৰ পিছত যেন এইবেলি কলিয়াবৰ কংগ্ৰেছে পঁচিশ বছৰীয়া অপবাদৰ অৱসানৰ বাবে মাৰ বান্ধি ঠিয় হ’বলৈ অংগীকাৰবদ্ধ হৈছে ।
বিকল হৈ পৰি আছে ৰাজ্য চৰকাৰৰ কেইবালাখ টকীয়া অভিলাষী শ্মশান
২০১২ বৰ্ষতে তেতিয়াৰ কংগ্ৰেছ চৰকাৰৰ দিনত তেতিয়াৰ মুখ্যমন্ত্ৰী তৰুণ গগৈয়ে শিলপুখুৰীৰ নৱগ্ৰহ শ্মশানত কেইবালক্ষাধিক টকাৰ ব্যয় সাপেক্ষে মুকলি কৰিছিল গেছ চালিত শ্মশান ৷ কিন্তু দিন বাগৰাৰ লগে লগে ৰাজ্য চৰকাৰৰ এই অভিলাষী আৰু ব্যয়বহুল প্ৰকল্পৰ পঁয়া লাগিবলৈ ধৰিলে ৷ সৌ সিদিনা উলুবাৰীত বৰ্তমান ৰাজ্য চৰকাৰৰ মন্ত্ৰী সিদ্ধাৰ্থ ভট্টাচাৰ্যই আনুষ্ঠানিকভাৱে মুকলি কৰিছিল প্ৰায় কোটি টকীয়া এক বৈদ্যুতিক শ্মশান ৷ উদ্বোধনহে হ’ল, ব্যৱহাৰ পাছে আজিলৈকে হোৱাই নাই ৷
NIA গ্ৰেপ্তাৰ কৰা সন্ত্ৰাসবাদীৰ ব্ৰিটেইন এয়াৰপৰ্ট আক্ৰমণৰ ঘটনাৰে সংযোগ
2007 চনত এই আক্ৰমণৰ লগত জড়িত থকাৰ অপৰাধতো উক্ত সন্ত্ৰাসবাদীটোক গ্ৰেপ্তাৰো কৰা হৈছিল ৷ বিষয়া সকলে লগতে কয় যে, সন্ত্ৰাসবাদীটো ব্ৰিটেইন এয়াৰপৰ্টত হোৱা আক্ৰমণৰ মাষ্টাৰমাইণ্ড কাফিল আহমদৰ আত্মীয় আছিল ৷
IPL-2020 ত নেখেলে CSK ৰ তাৰকা অলৰাউণ্ডাৰ সুৰেশ ৰাইনাই
33 বছৰীয়া ৰাইনাই সম্প্ৰতি আন্তৰ্জাতিক ক্ৰিকেটৰ পৰা অৱসৰ গ্ৰহণ কৰিছে ৷ মহেন্দ্ৰ সিং ধোনীয়ে আন্তৰ্জাতিক ক্ৰিকেটৰ পৰা অৱসৰ লোৱা বুলি ঘোষণা কৰাৰ কিছুসময়ৰ পাছতে ৰাইনায়ো আন্তৰ্জাতিক ক্ৰিকেটৰ পৰা অৱসৰ লোৱাৰ কথা ঘোষণা কৰে ৷
