পুৱা 9 বজাৰ শীৰ্ষ দহটা বাতৰি

পুৱা 9 বজাৰ শীৰ্ষ দহটা বাতৰি

আৰক্ষী চকীৰ সন্মুখতেই ব্যৱসায়ীৰ পৰা দুৰ্বৃত্তই লুটিলে ধন। ব্যৱসায়ীক পথৰ ওপৰতে বগৰাই ধন লৈ উধাও দুৰ্বৃত্ত ।

16 জানুৱাৰীত প্ৰথম পৰ্যায়ত তেজপুৰ চিকিৎসা মহাবিদ্যালয়,টাইমছ হাস্পতাল আৰু ঢেকীয়াজুলি চাৰ্কল হেলথ কেন্দ্ৰত ভেকচিন প্ৰদান কৰিব শোণিতপুৰ স্বাস্থ্য বিভাগে ৷

সততে চ'ছিয়েল মিডিয়াত বিশেষভাৱে চৰ্চিত আৰু কৰ্কট ৰোগীক আৰ্থিকভাৱে সহায় কৰাৰ লগতে মানসিকভাৱে শক্তি প্ৰদান কৰি সমাজৰ কাৰণে কাম কৰি গৈছে শ্ৰীমন্ত দত্তই ।

২১ৰ পৰা ২৩ জানুৱাৰীলৈ তিনিদিনীয়াকৈ জোনবিল মেলা ৷ ইতিমধ্যে প্ৰায় সম্পূৰ্ণ হৈছে মেলাৰ প্ৰস্তুতি । এইবাৰৰ মেলাতো উপস্থিত থাকিব মুখ্যমন্ত্ৰী সৰ্বানন্দ সোণোৱাল, বিত্তমন্ত্ৰী ড৹ বিশ্ব শৰ্মা, স্থানীয় বিধায়কদ্বয় ক্ৰমে পীয়ূষ হাজৰিকা আৰু মৰিগাঁৱৰ বিধায়ক ৰমাকান্ত দেউৰী ৷

শনিবাৰৰ পৰা অসমৰ ৬৫ টা স্থানত আৰম্ভ হ'ব ক'ভিড ভেকচিন প্ৰদান কাৰ্যসূচী ৷ দিছপুৰৰ জনতা ভৱনত ৰাজ্যৰ স্বাস্থ্যমন্ত্ৰী ড0 হিমন্ত বিশ্ব শৰ্মাই এখন সংবাদমেলত ঘোষণা কৰে এই কথা ।

হোজাই থানাৰ সন্মুখত আমৰণ অনশনত বহাৰ হুংকাৰ দিয়া হিন্দুত্ববাদী নেতা সত্যৰঞ্জন বৰাই অনশন প্ৰত্যাহাৰ কৰিছে ৷ হোজাই আৰক্ষীত দাখিল কৰাৰ এজাহাৰ গ্ৰহণ নকৰাৰ বাবে অনশন কাৰ্যসূচী ৰূপায়ণ কৰাৰ হুকাৰ দিছিল সত্যৰঞ্জন বৰাই ৷

বিগত সময়ত পাকিস্তানে ৪৪ শতাংশকৈও অধিক যুদ্ধ বিৰতি উলংঘন কৰিছে আৰু ই পাকিস্তানৰ ভয়ংকৰ পৰীক্ষণক প্ৰতিফলন কৰে । পাকিস্তানে প্ৰায়ে সন্ত্ৰাসবাদীসকলক জম্মু আৰু কাশ্মীৰেদি প্ৰৱেশক সহায় কৰাৰ বাবে গোলাবৰ্ষণ কৰে: সেনা প্ৰধান

কৰিমগঞ্জ জিলাৰ ভাৰত বাংলাদেশ সীমান্তৰ জিৰো লাইনত থকা পিলাৰৰ পৰা ২০ বিঘা মাটি লাগিব পেৰেডৰ বাবে । ফুট পাৰ্ক,দৰ্শক বহিবলৈ ঠাইৰ লগতে আনুসংগিক ঘৰ থাকিব জিৰ' লাইনত ।

জন্মু-কাশ্মীৰৰ বৰফাবৃত অঞ্চলসমূহলৈ প্ৰেৰণ কৰা হৈছে ক'ভিড ভেকচিন ৷ হেলিকপ্টাৰৰ জৰিয়তে স্বায়িত্ব শাসিত ৰাজ্য খনৰ দূৰ্গম অঞ্চলসমূহলৈ প্ৰেৰণ কৰা হয় এই ভেকচিন সমূহ ৷

ফেচবুকৰ জৰিয়তে প্ৰেমৰ জাল পাতি 11 গৰাকী যুৱতী আৰু কিশোৰীৰ স্বামী হ'ল 22 বছৰীয়া এগৰাকী যুৱক ৷ নিজৰেই এগৰাকী পত্নীৰ অভিযোগৰ ভিত্তিত অৱশেষত আৰক্ষীৰ জালত পৰিল 22 বছৰীয়া গনেশ নামৰ যুৱক গৰাকী ৷