ৰঙিয়া, 1 জুন : হঠাৎ উত্তপ্ত হৈ পৰিল ৰঙিয়াৰ আৰিমত্ত বিদ্যাপীঠ হাইস্কুল (Tense situation at Rangia) ৷ বিদ্যালয় একত্ৰিকৰণকলৈ এক হুলস্থূলীয়া পৰিৱেশ সৃষ্টি হয় আৰিমত্ত বিদ্যাপীঠ হাইস্কুলত ৷ শেহতীয়াকৈ ৰাজ্য চৰকাৰৰ শিক্ষা বিভাগে ছাত্ৰ-ছাত্ৰীৰ সংখ্যা কম থকা বিদ্যালয়সমূহক কাষৰ বিদ্যালয়ৰ সৈতে একত্ৰিকৰণ কৰাৰ এক সিদ্ধান্ত গ্ৰহণ কৰিছিল ।
ইয়াৰ পিছতেই ৰঙিয়াৰ আৰিমত্ত বিদ্যাপীঠ হাইস্কুলৰ লগত ৰে’লৱে হাইস্কুল একত্ৰিতকৰণৰ বাবে দুমাহ পূৰ্বে শিক্ষা বিভাগে এক নিৰ্দেশনা জাৰি কৰিছিল । কিন্তু পৰৱৰ্তী সময়ত এটা লবীয়ে উক্ত একত্ৰিকৰণৰ বিৰোধিতা কৰি শিক্ষা বিভাগক পুনৰ বিদ্যালয়খন পৃথকিকৰণ কৰি পূৰ্বৰ দৰে ৰখাৰ চক্ৰান্ত কৰিছে বুলি অভিযোগ উত্থাপিত হৈছে ।
একত্ৰিকৰণ আৰু পৃথকিকৰণৰ এনে এক খেলিমেলিৰ বাবে ৰঙিয়া আঞ্চলিক ছাত্ৰ সন্থা তীব্ৰ প্ৰতিক্ৰিয়া প্ৰকাশ কৰে ( Tense situation at Rangia to School Integration)।
আছুৰ নেতা হেমন্ত দাসে বিদ্যালয়খন পুনৰ পৃথকীকৰণ কৰিব বিচৰা কাৰ্যৰ তীব্ৰ বিৰোধিতা কৰি শিক্ষা বিভাগৰ নিৰ্দেশনা অনুসৰি ব্যৱস্থা গ্ৰহণৰ বাবে আহ্বান জনায় । ৰে’লৱে হাইস্কুলখন ছাত্ৰ-ছাত্ৰীৰ সংখ্যা কম হোৱা বাবে চৰকাৰী নিয়মমতে আৰিমত্ত বিদ্যাপীঠৰ লগত চামিলকৰন কৰিছিল শিক্ষা বিভাগে ।
লগতে পঢ়ক : Commercial LPG cylinder price cut: 1 জুনৰ পৰা ১৩৫ টকালৈ হ্ৰাস পালে মূল্য
সেই মৰ্মে আৰিমত্ত বিদ্যাপীঠত উক্ত বিদ্যালয়খনৰ 53 জন ছাত্ৰ-ছাত্ৰীয়ে পাঠগ্ৰহণ কৰাৰ লগতে 18 গৰাকী শিক্ষক আৰু 3 গৰাকী কৰ্মচাৰীয়ে যোগদান কৰে । কিন্তু বিদ্যালয়খন একত্ৰিকৰণ কৰাৰ পিছতে এক লবীয়ে বিদ্যালয়খন পুনৰ পৃথকিকৰণ কৰাৰ বাবে নানাধৰণৰ কুট-কৌশল অৱলম্বন কৰা বুলি ছাত্ৰ নেতাগৰাকীয়ে অভিযোগ উত্থাপন কৰে ।
বিশেষকৈ পাল উপাধিৰ এজন নেতাই ৰাজনৈতিক স্বাৰ্থৰ বাবে ছাত্ৰ-ছাত্ৰীসকলৰ শৈক্ষিক ভৱিষ্যতকলৈ হেতালি খেলা কাৰ্য আছুৱে সহ্য নকৰে বুলি সকীয়াই দিয়ে ৷ লগতে কয় যে ছাত্ৰ-ছাত্ৰীৰ শিক্ষাৰ বিষয়টোৰ পৰা ৰাজনীতিক আতৰাই ৰাখিব লাগে । লগতে শিক্ষা বিভাগে পুনৰ কৰিব বিচাৰি ছাত্ৰ-ছাত্ৰীসকলক মানসিক ভাবে হাৰাশাস্তি প্ৰদান কৰা কাৰ্যক গৰিহণা দিয়ে ।
আনহাতে, ৰে’লৱে হাইস্কুলৰ পৰা আৰিমত্ত বিদ্যাপীঠলৈ যোৱা ছাত্ৰ-ছাত্ৰীসকলে আৰিমত্ত বিদ্যাপীঠত পঢ়ি ভাল লগা বুলি কয় সংবাদমাধ্যমৰ আগত । নতুন পৰিৱেশত নতুন বন্ধু-বান্ধৱীৰ লগত নিজকে খাপ খুৱাই লৈ ছাত্ৰ-ছাত্ৰীসকলে বিদ্যালয়খনতেই ভৱিষ্যতে পঢ়াৰ মন আছে বুলি সংবাদ মাধ্যমৰ আগত ব্যক্ত কৰে ।
লগতে পঢ়ক : Tara Air plane crash: তদন্তৰ বাবে 5 জনীয়া আয়োগ গঠন
