আজাৰা, 2 অক্টোবৰ: গান্ধী জয়ন্তীৰ দিনটোতে জাতিৰ পিতা গৰাকীৰ ছবি সন্মুখত লৈ জনস্বাস্থ্য কাৰিকৰী বিভাগৰ অস্থায়ী কৰ্মচাৰীৰ প্ৰতিবাদ সাব্যস্ত ৷ প্ৰাপ্য বিচাৰি 10 -12 বছৰে বিনা বেতনে কাম কৰি অহা কৰ্মচাৰীসকলে গ্ৰহম কৰিলে অসহযোগ আন্দেলনৰ কাৰ্যসূচী ৷ চাকৰি নিয়মীয়াকৰণ তথা প্ৰাপ্য অধিকাৰ প্ৰদানৰ দাবীৰে আজিৰে পৰা আৰম্ভ হোৱা জন স্বাস্থ্য কাৰিকৰী বিভাগৰ অস্থায়ী কৰ্মচাৰী পৰিষদৰ এই "অসহযোগ আন্দোলন" কাৰ্যসূচী 8 অক্টোবৰ তাৰিখলৈ অব্যাহত থাকিব ৷
গান্ধী জয়ন্তী উপলক্ষে সমগ্ৰ দেশজুৰি সকলোৱে জাতিৰ পিতা গৰাকীক সোঁৱৰাৰ পৰিৱৰ্তে গান্ধীৰ ছবি সন্মুখত ৰাখি প্ৰাপ্যৰ দাবী জনাই প্ৰতিবাদত বহিল দুৰ্ভগীয়া লোকসকল ৷ সমগ্ৰ ৰাজ্যৰ লগতে পলাশবাৰীৰ মিৰ্জাৰ কোছপাৰা পানী যোগান কেন্দ্ৰত প্ৰায় তিনি শতাধিক শ্ৰমিক-কৰ্মচাৰীয়ে তীব্ৰ প্ৰতিবাদ সাব্যস্ত কৰি তেওঁলোকৰ প্ৰাপ্য প্ৰদানৰ বাবে দাবী উত্থাপন কৰিলে ৷ ৰিহন দৈমাৰী ৰ লগতে অসম চৰকাৰ বিৰোধী ভিন্ন শ্ল'গানেৰে কৰ্মচাৰীসকলে প্ৰতিবাদথলী উত্তাল কৰি তোলে ৷
লগতে পঢ়ক: কেলেংকাৰীৰ কথা কোৱাৰ পূৰ্বে ৰিপুন বৰাই নিজৰ ইতিহাসটো চাওক : পদ্ম হাজৰিকা
