ৰঙিয়া, 19 আগষ্ট : ৰঙিয়াত বৃহস্পতিবাৰে এটি বজাৰগৃহৰ আধাৰশিলা স্থাপন কৰি চৰকাৰী চাকৰিৰ ক্ষেত্ৰত সকীয়নি প্ৰদান কৰে ৰাজ্যিক বিজেপি সভাপতি ভৱেশ কলিতাই(Bhabesh Kalita) ৷ পঞ্চায়ত প্ৰতিনিধিসহ খণ্ড উন্নয়ন বিষয়াক উৎকোচ লোৱা সন্দৰ্ভত কঠোৰ ভাষাৰে সকীয়নি প্ৰদান কৰে সভাপতিগৰাকীয়ে ৷
আধাৰশিলা কৰাৰ পাচতেই অনুষ্ঠিত এক সভাত সভাপতি ভৱেশ কলিতাই উদঙাই দিলে ৰঙিয়াত সংঘটিত পঞ্চায়তৰ দুৰ্নীতিৰ প্ৰকৃত স্বৰূপ । তেওঁৰ সকীয়নিত মৌন হৈ পৰে সভাকক্ষ ৷ পঞ্চায়ত প্ৰতিনিধি, খণ্ড উন্নয়ন বিষয়াক উদ্দেশ্যি তেওঁ কয়, ‘‘কাকো মাতি নি চাহৰ হোটেলত পইচা নল’ব ৷ চাকৰি কৰক, আপোনালোকক সুন্দৰ দৰমহা দিছে’’ ৷
লগতে পঢ়ক : বান পৰিস্থিতিৰ বুজ লৈ কি সিদ্ধান্ত মন্ত্ৰী সঞ্জয় কিষাণৰ ?
লগতে তেওঁ কয়, ‘‘চাকৰিৰ নামত বেলেগ চাকৰিয়ালক কিয় বদনাম কৰে আপোনালোকে ? ইমান মৰ্যাদা সম্পন্ন ব্যক্তি হৈ 200/50 টকাৰ কাৰণে আপোনালোকৰ মান-সন্মান কিয় শেষ কৰে ৷ আপোনালোকক দেখিলে মানুহে ভয় খাব লাগে ৷ আপোনালোকক দেখিলে যেন মানুহে নাহাঁহে’’৷
অটল বিহাৰী বাজপেয়ীৰ এষাৰ কথা আঁওৰাই সভাপতিগৰাকীয়ে কয়, ‘‘আপোনালোকে মোক দেখি হাঁহিছে, এদিন আপোনালোকক দেখি হাঁহিব । পাব্লিকে হাঁহিব আপোনালোকে কান্দিব । এই কথাটো আপোনালোকে অনুধাৱন কৰিব ৷ পাব্লিকৰ হাঁহিয়াতৰ পাত্ৰ হ’বলৈ নাযাব’’ । সভাকক্ষতে ভৱিষ্যতে দাদালি কামত জড়িত নহ’বৰ বাবে পঞ্চায়ত প্ৰতিনিধি, খণ্ড উন্নয়ন বিষয়াক কঠোৰ সকীয়নি প্ৰদান কৰে সভাপতি ভৱেশ কলিতাই ৷
লগতে পঢ়ক : পহিলা চেপ্টেম্বৰত আৰম্ভ হ’ব অসম আৰক্ষীৰ কনিষ্টবল নিযুক্তি প্ৰক্ৰিয়া
