ৰঙিয়া, 29 আগষ্ট: ৰাজ্যিক বিজেপিৰ মুখ্য কাৰ্যালয়ত বাৰণ মহিলা ৷ কোনো কাম নাথাকিলে নিশা 7 বজাৰ পাছত মহিলা যাব নোৱাৰিব বাজপেয়ী ভৱনলৈ ৷ সূত্ৰ অনুসৰি বিজেপিৰ ক’ৰ কমিটীয়ে গ্ৰহণ কৰিছে এই সিদ্ধান্ত ৷ অৱশ্যে এই কথা ৰাজহুৱাভাৱে ঘোষণা কৰা নাই দলটোৱে ৷
উল্লেখ্য যে বিজেপি নেত্ৰী ইন্দ্ৰাণী তহবিলদাৰৰ অন্তৰংগ ফটো ভাইৰেল হোৱাৰ পাছতেই তেওঁ আত্মহত্যা কৰে ৷ ইয়াৰ পাছতেই ৰাজ্যৰ ৰাজনৈতিক মহলত সৃষ্টি হৈছে তীব্ৰ প্ৰতিক্ৰিয়া ৷ বিৰোধীয়ে অভিযোগ উত্থাপন কৰিছে যে বিজেপিৰ কাৰ্যালয়তে এতিয়া সুৰক্ষিত নহয় মহিলা ৷ এই সিদ্ধান্তৰ পাছত তীব্ৰ সমালোচনাৰো সন্মুখীন হৈছে দলটো ৷
এই সন্দৰ্ভত ৰঙিয়া সমষ্টিৰ বিধায়ক তথা ৰাজ্যিক বিজেপিৰ সভাপতি ভৱেশ কলিতাৰ প্ৰতিক্ৰিয়া জানিব বিচৰাত ৰঙিয়াত তেওঁ সংবাদ মাধ্যমৰ বিৰুদ্ধে আক্ৰমণাত্মক হৈ উঠিল ৷ তেওঁ কয় যে দলৰ সভাপতিয়ে এই কথা কোৱা নাই ৷ দলটোক অনৰ্থক বদনাম কৰাৰ বাবে কিছুমান সংবাদ মাধ্যম লাগি আছে । এনেকুৱা মন্তব্যৰ পৰা বিৰত থাকিবলৈও সংবাদ মাধ্যমক আহ্বান জনাই কলিতাই ৷
তেওঁ আৰু কয়, ‘‘এয়া কংগ্ৰেছৰ সৃষ্টি ৷’’ যদি বিজেপিত যদি সুস্থ ৰাজনীতিৰ অভাৱ হৈছে তেন্তে সাংবাদিকক দেখুৱাই দিবলৈ আহ্বান জনায় ৷ ৰাজনীতিত গালি পৰা থাকেই বুলি উল্লেখ কৰি গালি পৰাকে ৰাজনীতি বুলি মন্তব্য কৰে ভৱেশ কলিতাই ৷
