বকোত সমাজ কল্যাণ বিভাগৰ ৰাষ্ট্ৰীয় পোষণ মাহ উদযাপন

অঙ্গনবাড়ী কেন্দ্ৰৰ শিশুসকলে যাতে অঙ্গনবাড়ী কেন্দ্ৰৰ চৌহদৰ ভিতৰতে ৰোপন কৰা গছৰ পৰা ফল-মূল খাব পাৰে তাৰ বাবে আৰম্ভ কৰা বাগিছাত বৃক্ষৰোপণ কৰে বকো-বনগাঁৱ সংহত শিশু উন্নয়ন প্ৰকল্প বিষয়া সুকন্যা দাসে ৷

বকো, 20 ছেপ্তেম্বৰ: "ৰাষ্ট্ৰীয় পোষণ মাহ -2020" উপলক্ষে শনিবাৰে বকো-বনগাঁৱ সংহত শিশু উন্নয়ন প্ৰকল্প বিষয়াৰ কাৰ্য্যালয়ৰ অধীনৰ লামপাৰা অঙ্গনবাড়ী কেন্দ্ৰত আয়োজন কৰা হয় এখন অনুষ্টুপীয়া সভাৰ ৷ মুখ্য সেৱিকা ঝৰ্ণা দাসে আঁত ধৰা সভাখনত পৰিপুষ্টি পৰামৰ্শদাতা ভূপালী কলিতাই পুষ্টিহীনতা আৰু পৰিপুষ্টি সম্পৰ্কে বিশদভাৱে বক্তব্য আগবঢ়ায় ৷ শিশুৰ শাৰীৰিক আৰু মানসিক বিকাশৰ বাবে প্ৰয়োজনীয় প্ৰটিন, কাৰ্বহাইড্ৰেট, খনিজ লৱন, পানী আদি কি কি খাদ্যত লাভ কৰিব সেই বিষয়ে সহজ ভাষাত বুজাই দিয়ে ৷