ৰঙিয়া, ৩ জুন : লক ডাউনৰ মাজতে ৰঙিয়াত চিলনী চোৰৰ সন্ত্ৰাস । বাইকেৰে আহি থকা অৱস্থাত পথচাৰীৰ পৰা মোবাইল কাঢ়ি নিয়াৰ চেষ্টা চলাই চোৰ কেইটাই । ৰঙিয়াৰ মুৰাৰাত সংঘটিত হৈছে এই ঘটনা । পৰৱৰ্তী সময়ত ৰাইজে যুৱক তিনিজনক অনুসৰণ কৰি ৰঙিয়াৰ চোছাইটি চ'কত কৰায়ত্ত কৰে আৰু ৰঙিয়া আৰক্ষীক গতাই দিয়ে চোৰ তিনিজনক । আটকাধীন যুৱককেইজন ৰঙিয়াৰ শলমাৰীৰ জিয়াউৰ ৰহমান,কেকেনীকুছিৰ ধ্ৰুৱজ্যোতি দাস আৰু ষ্টেচন কলনীৰ তৈয়াবুৰ ৰহমান বুলি জানিব পৰা গৈছে ।
ইতিমধ্যে আৰক্ষীয়ে যুৱক কেইজনৰ পৰা AS-01EG-7431 নম্বৰৰ KTM বাইক এখন জব্দ কৰিবলৈ সক্ষম হয় । ধৃত যুৱককেইজনে বহু অসামাজিক কাম-কাজত জড়িত থকা বুলিও আৰক্ষী সূত্ৰই প্ৰকাশ কৰে । বৰ্তমানেও অধিক তথ্যৰ বাবে আৰক্ষীয়ে যুৱক কেইজনক জেৰা অব্যাহত ৰাখিছে ।
লগতে পঢ়ক : হোজাই জিলা প্ৰশাসনৰ ভয়ংকৰ কাণ্ড!
