ৰঙিয়া, 10 জুলাই: ৰঙিয়া আৰক্ষীৰ জালত দেশৰ ম’ষ্ট ৱাণ্টেড এটিএম চুৰি গেং । হাৰিয়ানাত ৰঙিয়া আৰক্ষীয়ে অভিযান চলাই গ্ৰপ্তাৰ কৰে চাৰি আন্তঃৰাজ্যিক চোৰক । যোৱা দুই জুলাইৰ নিশা ভাৰত-ভূটান সংযোগী পথৰ তিনিআলিস্থিত এটা SBI ATM ৰ পৰা দুৰ্বৃত্তই লুটি নিছিল প্ৰায় ৩০ লাখ টকা (ATM looted at Rangia)। নিশা প্ৰায় ২.৫১ বজাত দুৰ্বৃত্তৰ দল সোমাইছিল এটিএমটোত ।
দুৰ্বৃত্তৰ দলটোৱে ১ ঘণ্টা ধৰি টকা লুটিবলৈ চেষ্টা কৰি অৱশেষত লুটি লৈ গৈছিল এটিএম টোৰ ভিতৰত থকা প্ৰায় ৩০ লাখ টকা । বেলেন’ আৰু এছাৰ মিনি ট্ৰাকযোগে চাৰিজনীয়া দুৰ্বৃত্তৰ দলটো পাইছিলগৈ হাৰিয়ানা ৷ অৱশেষত ৰঙিয়া আৰক্ষীয়ে হাৰিয়ানাত অভিযান চলাই পোনহানা জিলাৰ পৰা গ্ৰেপ্তাৰ কৰে নিছাৰ, নাছিম, মহম্মদ আৰু গোপাল নামৰ দুৰ্বৃত্ত চাৰিটাক (Inter state robbers arrested by Rangia police) । দুৰ্বৃত্তকেইটাৰ পৰা আৰক্ষীয়ে উদ্ধাৰ কৰে নগদ ২৯ লাখ ৬৮ হাজাৰ টকা ।
উল্লেযোগ্য যে এই গেংটোৱে ভাৰতৰ বিভিন্ন ৰাজ্যত ATM চুৰিকাৰ্য সংঘটিত কৰি অহাৰ তথ্য লাভ কৰিছে আৰক্ষীয়ে । দুৰ্বৃত্তকেইটাক গ্ৰেপ্তাৰ কৰাৰ সন্দৰ্ভত মন্তব্য প্ৰকাশৰ পৰা বিৰত আছে কামৰূপ জিলা আৰক্ষী অধীক্ষক ।
লগতে পঢ়ক: অমানৱীয়: অপৰাধৰ শাস্তি হিচাপে নগাঁৱত জীৱন্তে জ্বলাই দিলে এজনক
