ৰঙিয়া,14 মাৰ্চ: ৰাইজৰ দল আচলতে ৰাইজৰ দল নহয়, চোৰৰহে দল । সেয়েহে তেওঁলোকে সকলোতে চোৰেই দেখা পায় ৷ ৰাইজৰ দলৰ প্ৰাৰ্থী হৰেশ্বৰ বৰ্মনে মথাউৰি নিৰ্মাণত হোৱা দুৰ্নীতিৰ যি অভিযোগ কৰিছিল, তাৰ প্ৰত্যুত্তৰ দি ভৱেশ কলিতাই এনেদৰে মন্তব্য কৰা দেখা যায় । বগৰীবাৰীৰ মথাউৰি নিৰ্মাণত হোৱা দুৰ্নীতিৰ বিৰুদ্ধে হৰেশ্বৰ বৰ্মনে দিয়া মন্তব্য উত্তৰ দিবলৈ গৈ, মন্ত্ৰী ভৱেশ কলিতাই হৰেশ্বৰ বৰ্মনৰ এছডিআৰএফৰ বিষয়ে থকা জ্ঞানৰ ওপৰত সন্দেহ প্ৰকাশ কৰে ।
ৰাইজৰ দলক কঠোৰ সমালোচনা ভৱেশ কলিতাৰ
আনহাতে, মহাজোঁটৰ ৰঙিয়াৰ প্ৰাৰ্থী ডাঃ ভগবান দেৱ মিশ্ৰক মন্ত্ৰী ভৱেশ কলিতাই প্ৰত্যাহ্বান জনাই ভাদ মাহত একেলগে বৰলীয়া নৈ সাঁতুৰিবলৈ । মহাজোঁটৰ প্ৰাৰ্থী গৰাকীক কটু মন্তব্য কৰি মন্ত্ৰী গৰাকীয়ে প্ৰশ্ন কৰে যে, কৰ'ণা মহামাৰীৰ সময়ত ডাঃ ভগবান দেৱ মিশ্ৰ ৰঙিয়াত কিয় নাছিল ।
লগতে পঢ়কঃ জি এম চি এইচত অখিল গগৈক সাক্ষাৎ কৰিলে যোগেন্দ্ৰ যাদৱে
