ৰঙিয়া ,13 এপ্ৰিল: নিৰ্বাচনী ব্যস্ততাৰ মাজতে ৰাজ্যত অব্যাহত আছে নাগৰিকত্ব সংশোধনী বিধেয়কৰ বিৰোধিতা।ৰঙিয়াত নাগৰিকত্ব সংশোধনী বিধেয়ক 2016 ৰ বিৰুদ্ধে সজাগতাৰ প্ৰচাৰ। শনিবাৰে নাগৰিকত্ব সংশোধনী বিধেয়ক বিৰোধী মঞ্চৰ উদ্যোগত ৰঙিয়াত সমদল উলিওৱা হয়। সমদলত আগভাগ লয় ৰঙিয়াৰ প্ৰাক্তন বিধায়ক তথা শিক্ষামন্ত্ৰী থানেশ্বৰ বড়োৱে, চিপিএম দলৰ নেতা বিবেকানন্দ অধিকাৰী, জাতীয়তাবাদী যুৱ ছাত্ৰ পৰিষদৰ মতিউৰ ৰহমান প্ৰমুখ্যে কেইবাগৰাকীও সমাজ কৰ্মী আৰু দলসমূহৰ সদস্যসকলে।
ৰঙিয়াৰ প্ৰগতি সংঘৰ পৰা আৰম্ভ হোৱা সমদলটোত বিধেয়ক খনৰ বিৰুদ্ধে শ্লোগান দি প্ৰায় শতাধিক মানুহে অংশগ্ৰহণ কৰে ৷ সমদলটোত সকলোৱে হাতে হাতে প্লে কাৰ্ড লৈ বিজেপিৰ বিৰুদ্ধে শ্লোগান দিয়ে।
উল্লেখযোগ্য যে বিগত কিছু দিনৰ পৰা থানেশ্বৰ বড়ো আৰু চিপিএম ৰ নেতা বিবেকানন্দ অধিকাৰীয়ে নাগৰিকত্ব সংশোধনী বিধেয়কৰ বিৰোধী মঞ্চৰ লগত জৰিত হৈ বিধেয়কখনৰ বিৰুদ্ধে মাত মাতি প্ৰকাৰন্তে ভুৱনেশ্বৰ কলিতাক সমৰ্থন জনোৱা পৰিলক্ষিত হয়৷
