জুপুৰীত চলিছে অগ্নিনিৰ্বাপক সেৱা

অগ্নি নিৰ্বাপনৰ প্ৰয়োজনীয় সামগ্ৰীৰ সৈতে সহবাস কৰিছে জোৱান সকলে । অগ্নি নিৰ্বাপনৰ প্ৰয়োজনীয় সামগ্ৰী সমূহ মজুত ৰাখিবলৈ নাই পৰ্যাপ্ত কোঠা ৷ কেৱল ইমানেই নহয় উত্তৰ গুৱাহাটী অগ্নি আৰু আপাতকালীন সেৱা কেন্দ্ৰই অগ্নি নিৰ্বাপনৰ বাবে ব্যৱহাৰ কৰা বাহন জহি খহি গৈছে ৰ'দে-বৰষুনে ।

কামৰূপ,27 জুন: জুপুৰীতেই বছৰ বছৰ ধৰি চলি আহিছে উত্তৰ গুৱাহাটী অগ্নি আৰু আপাতকালীন সেৱা ৷ অগ্নি নিৰ্বাপনৰ প্ৰয়োজনীয় সামগ্ৰীৰ সৈতে সহবাস কৰিছে জোৱান সকলে । অগ্নি নিৰ্বাপনৰ প্ৰয়োজনীয় সামগ্ৰী সমূহ মজুত ৰাখিবলৈ নাই পৰ্যাপ্ত কোঠা ৷

কেৱল ইমানেই নহয় ৰ'দ বৰষুণত নষ্ট হ'বলৈ ধৰিছে উত্তৰ গুৱাহাটী অগ্নি আৰু আপাতকালীন সেৱা কেন্দ্ৰই অগ্নি নিৰ্বাপনৰ বাবে ব্যৱহাৰ কৰা বাহন । এনেবোৰ বিষয়ৰ ওপৰত অগ্নি আৰু আপাতকালীন সেৱা বিভাগৰ বৰমুৰীয়া সকলে কোনোধৰণৰ গুৰুত্ব আৰোপ নকৰাৰ অভিযোগ উঠিছে । চৰকাৰে ৰাজ্যৰ অগ্নি আৰু আপাতকালীন সেৱাক অত্যাধুনিক প্ৰযুক্তিৰে আধুনিকীকৰণৰ কৰাৰ নামত প্ৰচুৰ ধন খৰচ কৰাৰ সময়তে উত্তৰ গুৱাহাটী অগ্নি আৰু আপাতকালীন সেৱা কেন্দ্ৰৰ এই অৱস্থাই উদঙাই তুলিছে সমগ্ৰ বিভাগটোৰ নগ্ন ছবিখন ৷