ৰঙিয়াত কোনে উৰুৱালে পাকিস্তানৰ পতাকা

ৰঙিয়াৰ গুৰকুছিৰ দলঙৰ পাৰত অজ্ঞাত লোকে উৰুৱালে পাকিস্তানৰ পতাকা ৷ ভোটগ্ৰহণৰ মাজতেই উৰিল পতাকা ৷

ৰঙিয়া,1 এপ্ৰিল: দ্বিতীয় পৰ্যায়ৰ ভোটগ্ৰহণৰ মাজতে ৰঙিয়াত এক চাঞ্চল‍্যকৰ ঘটনা সংঘটিত হৈছে ৷ ৰঙিয়াৰ গুৰকুছিৰ দলঙৰ পাৰত কোনো অজ্ঞাত লোকে উৰুৱালে পাকিস্তানৰ পতাকা ৷

ঘটনাস্থলীত আৰক্ষী উপস্থিত হোৱাৰ বিপৰীতে ৰাইজে পতাকাখন কাঢ়ি ৰাখে বুলি জানিব পৰা গৈছে ৷ ভোট গ্ৰহণৰ মাজতে এনে ঘটনা সংঘটিত হোৱাত স্বাভাৱিকতে চাঞ্চল্যৰ সৃষ্টি হৈছে ৷ কোনো দুস্কৃতিকাৰীয়ে অপ্ৰীতিকৰ পৰিস্থিতিৰ সৃষ্টি কৰাৰ উদ্দেশ্যেই এইধৰণৰ কাৰ্যকলাপ কৰা বুলি উল্লেখ কৰিছে ৰাইজে

লগতে পঢ়ক: গামোচাৰ প্ৰতি অসন্মান প্ৰদৰ্শন আজমলৰ !