বাইহাটা, 20 নৱেম্বৰ : পুনৰ গৰজি উঠিল অসম আৰক্ষী(Assam Police)ৰ মাৰণাস্ত্ৰ । এইবাৰ কামৰূপ আৰক্ষী(Kamrup Police)ৰ এনকাউণ্টাৰ(Encounter)ত গুলিবিদ্ধ এটা দুধৰ্ষ ড্ৰাগছ মাফিয়া(Drugs Mafia) ৷ আমিনগাঁৱত কামৰূপ আৰক্ষীৰ চৰজমিন তদন্তৰ সময়ত আৰক্ষীৰ অস্ত্ৰ কাঢ়ি পলাবলৈ চেষ্টা কৰিছিল কুখ্যাত ড্ৰাগছ মাফিয়া ইনাওভাম (INAOVAM) এ ৷ সেই সময়তে ড্ৰাগছ মাফিয়াটোৰ ভৰিত গুলিয়ায় আৰক্ষীয়ে ৷
প্ৰাপ্ত তথ্য অনুসৰি, মহানগৰীৰ বৰ্ণিহাটত কামৰূপ জিলা আৰক্ষী অধীক্ষক হিতেশ চন্দ্ৰ ৰায়ৰ নেতৃত্বত শুকুৰবাৰে জব্দ হৈছিল বৃহৎ পৰিমাণৰ ড্ৰাগছ(Drugs) । মহানগৰ যুটীয়া আয়ুক্ত পাৰ্থ সাৰথি মহন্ত আৰু উপ আৰক্ষী অধীক্ষক কল্যাণ পাঠকসহ আৰক্ষীৰ এক বৃহৎ দলে ড্ৰাগছ মাফিয়াৰ বিৰুদ্ধে চলাইছিল অই অভিযান ৷
মণিপুৰৰ পৰা ড্ৰাগছ মাফিয়াৰ এটা দলে বুজন পৰিমাণৰ ড্ৰাগছখিনি মহানগৰীৰ ভেটাপাৰাৰ ড্ৰাগছ মাফিয়া ইঅনোভাএম অৰ্ডাৰ অনুযায়ী সৰবৰাহ কৰিছিল । আৰক্ষীৰ অভিযানত ইনাওভাম (INAOVAM)ৰ লগতে আটক হৈছে মণিপুৰৰ ৰমেশ কুমাৰ চেত্ৰী আৰু আইথেমচা মুছলাম নামৰ ড্ৰাগছ মাফিয়া দুটা ৷
ড্ৰাগছ মাফিয়াৰ কেইটাৰ পৰা আৰক্ষীয়ে প্ৰায় আধা কেজি ওজনৰ ড্ৰাগছ জব্দ কৰিবলৈ সক্ষম হয় ৷ জব্দকৃত ড্ৰাগছখিনিৰ মূল্য চাৰি কোটি বুলি আৰক্ষীয়ে জানিবলৈ দিয়ে ৷ নিশা তদন্তৰ সময়তে কুখ্যাত ড্ৰাগছ মাফিয়া ইঅনোভাএমে আৰক্ষীৰ হাতৰ পৰা পলাবলৈ চেষ্টা কৰি গুলিবিদ্ধ হয় ৷
ভৰিত আঘাতপ্ৰাপ্ত কুখ্যাত ড্ৰাগছ মাফিয়াটোক কামৰূপ জিলাৰ তোলাৰাম বাফনা অসামৰিক চিকিৎসালয়ত ভৰ্তি কৰায় আৰক্ষীয়ে ৷
লগতে পঢ়ক : ধুবুৰীত জলপথেৰে সৰৱৰাহ চোৰাং চাউল
