বকো, 4 মে’ : বকোৰ জাৰিহাটৰ সমীপৰ গাৰোজানত নিশা অঘটন । নিশা চাৰি দুৰ্বৃত্তই AK 47 ৰে গুলিয়াই হত্যা কৰে এজন লোকক । গুলিত নিহত হোৱা লোকজনৰ নাম উলিয়াম ওৰফে চেংচা চাংমা ৷
নিহত উলিয়ামৰ ঘৰ মেঘালয়ৰ টুৰাত ৷ স্থানীয় ৰাইজে জনোৱা মতে, শনিবাৰে উলিয়াম বকোৰ গাৰোজানৰ বিটিচন মাৰকৰ ঘৰলৈ আহিছিল ৷ ইয়াৰ উপৰিও বিভিন্ন অপৰাধ জনিত কাৰ্যতো লিপ্ত আছিল অভিযুক্ত উলিয়াম ৷
বকোত দুৰ্বৃত্তৰ গুলীত নিহত এজন গাৰো লোক
উল্লেখ্য যে, ঘটনা সংঘটিত হোৱাৰ কিছু সময় পাছতে ঘটনাস্থলীত উপস্থিত হয় বকো আৰক্ষী ৷ গাৰো উগ্ৰপন্থী সংগঠনে হত্যা কৰাৰ সন্দেহ কৰিছে আৰক্ষীয়ে ৷ উক্ত হত্যা কাণ্ডটো অসম-মেঘালয় সীমান্তৱৰ্তী অঞ্চলত সংঘটিত হয় ৷ আনহাতে, ঘটনাৰ সন্দৰ্ভত আৰক্ষীয়ে তদন্ত অব্যাহত ৰাখিছে ৷
লগতে পঢ়ক : পশ্চিমবংগৰ নিৰ্বাচনী হিংসাত নিহত বিজেপি কৰ্মী
