ৰঙিয়া, 2 অক্টোবৰ : ৰঙিয়া বালাগাঁৱত 31 নং ৰাষ্ট্ৰীয় ঘাইপথত ভয়ংকৰ পথ দুৰ্ঘটনা । থিতাতে নিহত এজন লোক । মৃত লোকজন হৈছে ৰঙিয়া মল'খাতৰ হাতিম আলী (30) ।
তীব্ৰবেগী এখন চুইফট্ ডিজায়াৰ গাড়ীয়ে এখন স্কুটিত খুন্দিওৱাত দুৰ্ঘটনাটো সংঘটিত হয় । AS 25-P 1400 নম্বৰৰ স্কুটিখনক গুৱাহাটীৰ পৰা নলবাৰী অভিমুখী তীব্ৰবেগী চুইফট্ ডিজায়াৰ গাড়ীখনে খুন্দা মৰাৰ ফলত থিতাতে নিহত হয় স্কুটি আৰোহীজন ।
দুৰ্ঘটনা সংঘটিত কৰিয়ে গাড়ীখনে পলাবলৈ চেষ্টা কৰে যদিও চকা ফুটাৰ বাবে প্ৰায় দুই কিল'মিটাৰ পথ অতিক্ৰম কৰাৰ পিছত ৰৈ যাব লগা হয় । লগে লগে স্থানীয় ৰাইজে গাড়ীখন আবদ্ধ কৰি আৰক্ষীক গতাই দিয়ে ।
লগতে পঢ়ক : অসমকে ধৰি উত্তৰ-পূৰ্বাঞ্চলত বৰষুণ অহাৰ সম্ভাৱনা
