ৰঙিয়া, 1 ছেপ্তেম্বৰ : 31 আগষ্টত প্ৰকাশ পালে NRC ৰ চূড়ান্ত খচৰা ৷ সদ্য প্ৰকাশিত NRCৰ চূড়ান্ত খচৰাত ধৰা পৰিছে কিছু বিসংগতি ৷ 1951 চনৰ লিগেচী দাতা থকাৰ পিচতো কেইবাগৰাকী লোকৰ নাম বাদ পৰিল NRCৰ পৰা ৷ ৰঙিয়া বিধান সভা সমষ্টিৰ অন্তৰ্গত খন্দিকৰ, কাউৰবাহা, চেনিমৰা, বিহাপাৰা ধেপাৰগাও, দলংঘাট, চিৰাখুন্দি আদি অঞ্চলৰ প্ৰায় তিনি হাজাৰ লোকৰ নাম কৰ্তন কৰা হৈছে NRC ৰ চূড়ান্ত খচৰাৰ পৰা ৷
আনহাতে এন আৰ চি কেন্দ্ৰ সমূহৰ দাতা অপাৰেটৰৰ ভুলৰ বাবেই বহু পৰিয়ালৰ মাতৃৰ নামৰ ঠাইত পত্নীৰ নাম, স্বামীৰ ঠাইত শহুৰেকৰ নাম অহাত অঞ্চলজুৰি বিৰূপ প্ৰতিক্ৰিয়াৰ সৃষ্টি হৈছে । প্ৰয়োজনীয় নথি-পত্ৰ থকাৰ পিচতো চূড়ান্ত খচৰাত নাম ৰৈ যোৱা ব্যক্তি সকলে অহা 7 ছেপ্তেম্বৰত প্ৰকাশ পাবলগীয়া তালিকাত নিজৰ নাম অন্তৰ্ভুক্তিৰ দাবী জনাইছে ৷ লগতে সকলো আসোঁৱাহবোৰ দূৰ কৰিবলৈ দাবী জনাইছে বৃহত্তৰ অঞ্চলটোৰ ৰাইজে ৷
