বাইহাটাত গণপ্ৰহাৰঃ হাত ভৰি বান্ধি চুলি কাটি দিলে যুৱকক

বাইহাটা চাৰিআলিত সংঘটিত হৈছে গণপ্ৰহাৰৰ ঘটনা ৷ চোৰৰ সন্দেহত এজন ব্যক্তিৰ ওপৰত স্থানীয় একাংশ লোকে চলালে অত্যাচাৰ ৷ হাত ভৰি বান্ধি মাৰপিট কৰাৰ লগতে চুলি পৰ্যন্ত কাটি দিয়ে যুৱকজনৰ ৷

বাইহাটা, 27 আগষ্টঃ বাইহাটা চাৰিআলিত সংঘটিত হৈছে গণপ্ৰহাৰৰ ঘটনা ৷ চোৰৰ সন্দেহত এজন ব্যক্তিৰ ওপৰত স্থানীয় একাংশ লোকে চলালে অত্যাচাৰ ৷ জানিব পৰা মতে, দৰঙৰ এজন যুৱকে এটা মটৰ গেৰেজত কোনো কাৰণ নোহোৱাকৈ প্ৰৱেশ কৰিছিল ৷ তাৰ পাছতেই অচিনাকী যুৱক জনক গেৰেজৰ কৰ্মচাৰীসকলে সোধা পোছা কৰিবলৈ লওঁতেই হঠাতে যুৱকজনে পলায়ন কৰিবলৈ চেষ্টা কৰে আৰু তেতিয়াই কৰ্মচাৰী সকলে যুৱকজনক হাত ভৰি বান্ধি আৱদ্ধ কৰি ৰখাৰ লগতে মাৰপিট কৰি চুলি পৰ্যন্ত কাটি দিয়ে ৷ পৰৰ্বতী সময়ত ঘটনাস্থলীত বাইহাটা আৰক্ষী উপস্থিত হৈ যুৱকজনক উদ্ধাৰ কৰে ৷