আজাৰা,1 জুলাই: এইবাৰ পুনৰ একেটা দিনতে দক্ষিণ কামৰূপৰ দুগৰাকী ব্য়ক্তিৰ দেহত ধৰা পৰিল কৰ’ণা ভাইৰাছৰ অৱস্থিতি ৷ মিৰ্জাৰ শান্তিপুৰত এগৰাকী মহিলাৰ দেহত এই ভাইৰাছৰ উপস্থিতি ধৰা পৰাৰ পিছত মহিলাগৰাকীৰ বাসগৃহত উপস্থিত হয় স্বাস্থ্য বিভাগৰ এটা দল ৷ মহিলাগৰাকীয়ে বিগত কিছুদিনপূৰ্বে ৰাজস্থানস্থিত শহুৰেকৰ ঘৰৰ পৰা আহি আছিল হোম কোৱাৰেণ্টাইনত ৷ মহিলাগৰাকীৰ পৰা সংগ্ৰহ কৰা স্বাৱৰ পৰীক্ষাত ধৰা পৰে এই কথা ৷
আনহাতে,পলাশবাৰীতো এক ঔষধ প্ৰস্তুত প্ৰতিষ্ঠানত কৰ্মৰত এগৰাকী ব্যক্তিৰ দেহত ধৰা পৰে Covid 19 ৷ উক্ত ব্যক্তিগৰাকীয়ে বহু লোকৰ সংস্পৰ্শলৈ অহাৰ ফলত সম্প্ৰতি আশংকা প্ৰকাশ কৰা হৈছে গণ সংক্ৰমণৰ ৷ জিলা প্ৰশাসনে এই খবৰ লাভৰ পিছতে পলাশবাৰীৰ এটা অংশ কণ্টেইনমেণ্ট জ’ন হিচাপে ঘোষণাৰ লগতে বন্ধ কৰি দিছে পলাশবাৰী-মিৰ্জা সংযোগী পথটো ৷
লগতে চাওকঃ ৰঙিয়া থানাৰ দুগৰাকী আৰক্ষীৰ দেহত Covid 19
