বাইহাটা, 9 জুন: লক ডাউনৰ মাজতে চৰকাৰী নীতি নিৰ্দেশনা অমান্য কৰি আন্দোলন কৰাৰ অভিযোগত হোমকোৱাৰেন্টাইনলৈ প্ৰেৰণ কৃষক মুক্তি সংগ্ৰাম সমিতিৰ 13 জন কৰ্মীক ৷ সোমবাৰে পলাশবাৰীৰ মিৰ্জাত সংগঠনটোৰ কৰ্মী কেইজনে আন্দোলন কৰাৰ পাছতেই এই পদক্ষেপ গ্ৰহণ কৰে আৰক্ষীয়ে ৷ ইয়াৰ পাছতে চৰকাৰী নীতি নিৰ্দেশনাৰ মাজেৰে কৃষক মুক্তি সংগ্ৰাম সমিতিৰ কৰ্মকৰ্তাই আন্দোলন কৰাৰ পাছতো অন্যায় ভাবে চাংসাৰি কোৱাৰেন্টাই কেন্দ্ৰলৈ অনাৰ অভিযোগ তুলি তীব্ৰ প্ৰতিবাদ কৰে যুটীয়া সম্পাদক গৰাকীয়ে ।
উল্লেখ্য যে, কোৱাৰেন্টাইন চেন্টাৰ সমুহক অসম চৰকাৰে হাথিয়াৰ হিচাপে ব্যৱহাৰ কৰাৰ অভিযোগ উত্থাপন কৰিছে কৃষক মুক্তি সংগ্ৰাম সমিতিৰ যুটিয়া সাধাৰণ সম্পাদক মুকুট ডেকাই ৷ কৰ'ণা প্ৰতিৰোধৰ নামত ৰাইজৰ মুখ বন্ধ কৰাৰ বাবেই চৰকাৰে এই ব্যৱস্থা গ্ৰহণ কৰা বুলিও অভিযোগ উত্থাপন কৰে সাধাৰণ সম্পাদক গৰাকীয়ে ৷ যদিহে আন্দোলন কৰাৰ বাবে কৃষক মুক্তি সংগ্ৰাম সমিতিৰ কৰ্মকৰ্তা সকল কোৱাৰেন্টাইন হ'ব লাগে, তেন্তে যি সকল আৰক্ষীয়ে কৰ্মকৰ্তা সকলক থানালৈ আনিছিল তেঁওলোককো কোৱাৰেন্টাইন হোৱাৰ দাবী জনাই যুটীয়া সম্পাদক গৰাকীয়ে । আনহাতে কৃষক মুক্তি সংগ্ৰাম সমতিৰ কৰ্মকৰ্তা সকলে সামাজিক দুৰত্ব মানি আন্দোলন নকৰাৰ অভিযোগত তেও লোকক হোম কোৱৰেন্টাই কৰাৰ কথা উল্লেখ কৰে দণ্ডাধীশ ডঃ অংকিতা শৰ্মাই ।
