বাইহাটা, 24 এপ্ৰিল: লক ডাউনৰ মাজতে অত্যাৱশ্যকীয় সামগ্ৰী কঢ়িওৱাৰ বাবে একাংশ বাহনৰ ক্ষেত্ৰত লক ডাউন কিছু শিথিল কৰিছে চৰকাৰে ৷ কিন্তু চৰকাৰৰ এই ঘোষণাৰ যেন সুযোগ লৈছে একাংশই ৷ অত্যাৱশ্যকীয় সামগ্ৰী কঢ়িওৱা বাহনৰ চলাচল আৰম্ভ হোৱাৰ লগে লগে সৰবৰাহ হবলৈ লৈছে অন্য সামগ্ৰী কঢ়িওৱা বাহনো । বৃহস্পতিবাৰে কমলপুৰ আৰক্ষীয়ে জব্দ কৰে দুখনকৈ কয়লা সৰবৰাহ কৰা ট্ৰাক । ট্ৰাক দুখন জব্দ কৰাৰ সময়ত গাড়ীৰ চালকে দেখুৱাব নোৱাৰিলে কোনো ধৰনৰ বৈধ নথি পত্ৰ । আৰক্ষীয়ে ট্ৰাক দুখন জব্দ কৰাৰ পিচতে উপস্থিত হয় কমলপুৰ সমষ্টিৰ বিধায়ক সত্যব্ৰত কলিতা আৰু কমলপুৰ ৰাজহ চক্ৰ বিষয়া তথা দণ্ডাধীশ ডা° অংকিতা শৰ্মা ।
বৰ্তমানৰ পৰিস্থিতিত কয়লা পৰিবাহী ট্ৰাক চলাচল কৰিব পাৰে নে নোৱাৰে তথা কয়লা জাতীয় সামগ্ৰীৰ ৰপ্তানি কৰিব পাৰে নে নোৱাৰে সেয়া পৰ্য্যবেক্ষণ কৰাৰ বাবে ট্ৰাক দুখন জব্দ কৰি থয় আৰক্ষীয়ে ।
লগতে পঢ়ক : ক’ভিড-১৯ সন্দৰ্ভত নেডাৰলেণ্ডছৰ সৈতে সহযোগিতা অব্যাহতঃ ভাৰতীয় ৰাষ্ট্ৰদূত বেণু ৰাজামণি
