কামৰূপ, 22 মাৰ্চঃ ভাৰতত কৰ'ণা ভাইৰাছৰ সতৰ্কতাৰ বাবে প্ৰধানমন্ত্ৰী নৰেন্দ্ৰ মোডীয়ে দেশত ঘোষণা কৰিছিল জনতাৰ সান্ধ্য আইন । সমগ্ৰ দেশৰ নাগৰিকে 22 মাৰ্চ অৰ্থাৎ দেওবাৰে কৰ'ণাৰ বিৰুদ্ধে থিয় দি পালন কৰিছে জনতা কাৰ্ফিউ । জনতা কাৰ্ফিউ পালন কৰাৰ সমান্তৰালভাৱে খোলা থাকিল একাংশ ব্যক্তিগত কোম্পানী । বৰঝাৰ বিমানবন্দৰৰ সমীপৰ দক্ষিণ কামৰূপৰ বঙৰাস্থিত Ecom Express Pvt Ltd নামৰ কুৰিয়াৰ চাৰ্ভিচৰ কাম কৰা এই উদ্যোগত মুলত বহিঃৰাজ্য দিল্লীৰ পৰা প্ৰতিদিনে অনা হয় বিভিন্ন সামগ্ৰী । কোম্পানী খোলা ৰাখি চলালে নিজৰ মইমতালি । কোম্পানীটোত Flipkart,Amazon আদিৰ অনলাইন সামগ্ৰী পাৰ্চেল হোৱা এই কোম্পানীটোত কৰ্মৰত আছিল বহুতো লোক । ইয়াতকৈ ভয়ানক কথাটো হ'ল যে এই উদ্যোগটোলৈ দেওবাৰেই ৰাতিপুৱা আমদানি হৈছে চিনা সামগ্ৰীভৰ্তি এটা কাৰ্টন । উদ্যোগত কৰ্মৰত কৰ্মচাৰীয়ে ভয়-শংকাৰে কাৰ্টনটো স্পৰ্শ কৰিবলগীয়া হৈছে । চীনত নিৰ্মিত সামগ্ৰী কিদৰে এই সময়ত এনেদৰে উদ্যোগটোলৈ আহিল তাক লৈ সন্দেহ হৈছে উদ্যোগটোত কৰ্মৰত কৰ্মচাৰীৰ মাজত । কোম্পানীটোত কৰ্মৰত লোকসকলে কোম্পানীৰ পৰিচালকক বন্ধ থাকিব নে সোধাত সকলোকে হাজিৰ হৈ কাম কৰাৰ নিৰ্দেশ দিয়া বুলি মন্তব্য কৰে । আনকি নাহিলে দৰমহা কৰ্তন হ'ব বুলি কয় কোম্পানীটোৰ পৰিচালকে । যাৰ বাবে জনতা কাৰ্ফিউ অমান্য কৰি খোলা থাকিল কোম্পানীটো ৷
উল্লেখ্য যে, পলাশবাৰী আৰক্ষী থানাই ৰাজহুৱাকৈ মাইকযোগে ঘোষনা কৰিছিল জনতা কাৰ্ফিউ সন্দৰ্ভত ৷ কিন্তু তাৰ পাচতো এনেদৰে কোম্পানীটো খোলা থকাৰ বাবে পলাশবাৰী আৰক্ষী উপস্থিত হৈ কোম্পানীটোত কৰ্মৰত সকলো লোকক ঘৰলৈ যাবলৈ দিয়াৰ লগতে কোম্পানী বন্ধ ৰাখিবলৈ নিৰ্দেশ দিয়ে ।
আৰু পঢ়কঃ কৰ'ণা ভাইৰাছৰ বাবেে ৰাইজক সজাগ কৰিবলৈ NDRF বিশেষ ভিডিঅ'
