কেৱল নাৰী শক্তিৰ তত্বাৱধানত বৰঝাৰ বিমানবন্দৰ

আন্তজাতিক নাৰীদিৱস উপলক্ষে কেৱল নাৰী শক্তিৰ দ্বাৰা পৰিচালিত হৈছে লোকপ্ৰীয় গোপীনাথ বৰদলৈ আন্তঃৰাষ্ট্ৰীয় বিমান বন্দৰ ।

গুৱাহাটী,৮ মাৰ্চ: আজি বিশ্ব নাৰী দিৱস । এই দিৱস উপলক্ষে শুকুৰবাৰে মহিলাই পৰিচালনা কৰে আন্তঃৰাষ্ট্ৰীয় বৰঝাৰ বিমানবন্দৰৰ সমূহ কাম-কাজ ।

কেতিয়াবা যদি নাৰীয়ে চলাইছে চাৰিচকীয়া বাহন,কেতিয়াবা আকৌ বিমান । কিন্তু এইবাৰ নাৰীয়ে পৰিচালিত কৰিছে আন্তঃৰাষ্ট্ৰীয় বিমানবন্দৰ । কেতিয়াবা যদি আকাশত উৰি থকা বিমানখনৰ দিশ নিৰূপন কৰিছে, কেতিয়াবা আকৌ বিমানৰ অৱতৰন বা উৰণ পৰিচালিত কৰিছে । মুঠৰ ওপৰত সকলো কাম-কাজ চোৱা চিতা কৰিছে মহিলাসকলে ।এই কৰ্ম যদিও জটিল, কিন্তু এই দায়িত্বপূৰ্ণ কৰ্ম কৰি সুখী এইসকল মহিলা ।