ৰঙিয়া,22 জুন: ৰঙিয়াত পোহৰলৈ আহিছে এক জঘণ্য ঘটনা ৷ আইনী প্ৰক্ৰিয়াৰে গ্ৰহণ কৰা কন্যা সন্তানক যৌন নিৰ্যাতন চলোৱাৰ অভিযোগ উত্থাপন হৈছে ওড়িশাৰ এগৰাকী উচ্চ পদষ্ঠ বিষয়াৰ বিৰুদ্ধে ৷ ঘটনা অনুসৰি, 4 বছৰ পূৰ্বে ৰঙিয়াৰ এটি পৰিয়ালে আৰ্থিক দুৰাৱস্থাৰ বাবে আইনী প্ৰক্ৰিয়াৰে ওড়িশাৰ Coal India Limitedৰ উচ্চ পদষ্ঠ বিষয়া সুবোধ চামাদ্দাৰৰ হাতত গতাই দিছিল ৷ নিজ খুলশালীয়েকৰ কন্যা সন্তানকে নিজৰ সন্তান গ্ৰহণ কৰি ওড়িশালৈ উৰা মাৰিছিল দুই পতি-পত্নী ৷
কিন্তু তেতিয়াৰে পৰা সুবোধ চামাদ্দাৰ আৰু পত্নীয়ে মিলি কিশোৰীগৰাকীক যৌন নিৰ্যাতন চলাই অহাৰ অভিযোগ উত্থাপন কৰিছে কিশোৰীগৰাকী তথা কিশোৰী গৰাকীৰ পৰিয়ালৰ লোকে ৷ বাৰে বাৰে নিজ মাহীয়েকক সমগ্ৰ ঘটনা অৱগত কৰিছিল যদিও প্ৰাণে মৰা ভাবুকি দি মুখ বন্ধ কৰি ৰখাৰ বাবে নিৰ্দেশ দিছিল ৷ ওড়িশাত দুবছৰ কাল অতিক্ৰম কৰি পুনৰ অসমলৈ ঘূৰি অহাত সমগ্ৰ ঘটনা পোহৰলৈ আহে ৷
Coal India Limitedৰ উচ্চ পদষ্ঠ বিষয়া সুবোধ চামাদ্দাৰে অসমত কাম সমাপ্ত কৰি পত্নীসহ পুনৰ ওড়িশালৈ উভতি যোৱাৰ যো-জা কৰি থকাৰ সময়তে কিশোৰীগৰাকী নিজ ঘৰলৈ পলাই আহি নিজ আত্মীয়ক ঘটনা সন্দৰ্ভত অৱগত কৰে ৷ বিগত চাৰি বছৰে তোলনীয়া পিতৃয়ে চলাই অহা এই জঘণ্য ঘটনা কাৰ্যৰ বিৱৰণ শুনি আৰক্ষীৰ ওচৰ চাপে কিশোৰী গৰাকীৰ পৰিয়ালৰ লোকে ৷
উল্লেখ্য যে, আইনী প্ৰক্ৰিয়াৰে সন্তান হিচাপে গ্ৰহণ কৰি কিশোৰীক চলাই অহা অকথ্য নিৰ্যাতনৰ ন্যায় বিচাৰিছে পৰিয়াল তথা আত্মীয়ই ৷ নিজ খুলশালীয়েকৰ জীয়েকক নিজ সন্তান হিচাপে গ্ৰহণ কৰি যৌন নিৰ্যাতন চলোৱা ঘটনাই সমগ্ৰ ৰঙিয়াতে চাঞ্চল্যৰ সৃষ্টি কৰিছে ৷
লগতে পঢ়ক: ঘৰ মাটি ভেটি হেৰুৱাই দিশহাৰা মাজুলীৰ 12 হাজাৰ পৰিয়াল
