হাজো, 25 জুলাইঃ হাজোত গভাইত চোৰৰ ঘৰত আৰক্ষীৰ অভিযান ৷ হাজোৰ শনিয়াদীৰ পানীয়াপাৰাত বুধবাৰে নিশাৰ ভাগত আৰক্ষীয়ে অভিযান চলাই আৰু বৃহৎ পৰিমানৰ চুৰি সামগ্ৰী জব্দ কৰে ৷ আৰক্ষীৰ অভিযানত উদ্ধাৰ হয় পোন্ধৰটাকৈ এল চি ডি টিভি আৰু বৃহৎ পৰিমাণৰ কাপোৰ ৷
বৃহৎ পৰিমানৰ চুৰি সামগ্ৰী উদ্ধাৰ হাজোত
হাজো থানাৰ ভাৰপ্ৰাপ্ত আৰক্ষী বিষয়া ভাস্কৰ বৰ্মনৰ নেতৃত্বত ফাৰুক আব্দুল্লা নামৰ এজনৰ ঘৰত চলিছিল এই অভিযান ৷ অভিযানৰ পিছত ফাৰুক আব্দুল্লাৰ পিতৃ শ্বেখ ফৰিদ আলীক আটক কৰে আৰক্ষীয়ে ৷ শ্বেখ ফৰিদ আলীৰ ঘৰৰ পৰাও আৰক্ষীয়ে চুৰি সামগ্ৰীৰ কিছু অংশ উদ্ধাৰ কৰে ৷ সেয়ে চুৰি কাৰ্যত পিতা-পুত্ৰ জড়িত থকাৰ সন্দেহ প্ৰকাশ কৰা হৈছে ৷ ইফালে বৰ্তমানেও পলাতক হৈ আছে গভাইত চোৰ ফাৰুক আব্দুল্লা ৷
