গুৱাহাটী, ২৫ মাৰ্চ: ইছলাম ধৰ্মালম্বী লোকসকলৰ বাবে পবিত্ৰ মাহ হৈছে এই ৰমজান মাহ (Ramadan 2023)৷ এই মাহটোত দিনটো অনাহাৰে থাকি ৰোজা পালন কৰে প্ৰতিগৰাকী ইছলামধৰ্মী লোকে (Market is flooded with delicious food)। শুকুৰবাৰে কাঁচিজোন দেখাৰ পিচতেই ইছলাম ধৰ্মীয় লোকসকলৰ মাজত ব্যাপক আনন্দ উল্লাস পৰিলক্ষিত হৈছিল ৷ ৰমজান মাহৰ উপলক্ষে সু-স্বাদু খাদ্য সামগ্ৰীৰে ভৰি পৰিছে গুৱাহাটীৰ বজাৰ (Guwahati market is flooded with delicious food) ৷
খেজুৰ, ছেৱৈৰ লগতে ফল-মূলেৰে ভৰি পৰিছে বজাৰ । অৱশ্যে ইয়াৰ সমান্তৰালকৈ ফল-মূলৰ মূল্যও বৃদ্ধি পাইছে । ইপিনে ৰমজানাৰ সময়ত লক্ষ্ণৌৰ বিখ্যাত হালোৱা আৰু মোগলাই পৰাঠা সোৱাদ দিবলৈ মহানগৰীত উপস্থিত হৈছে লক্ষ্ণৌৰ মদিনা চুইট হাউছ । বিগত ১০ বছৰ ধৰি ৰমজানৰ সময়ত মহানগৰীৰ হালোৱা, মোগলাই পৰাঠা, চিকেন বিৰিয়ানীকে ধৰি বিভিন্ন প্ৰকাৰৰ মিঠাই বিক্ৰী কৰি আহিছে লক্ষ্ণৌৰ মদিনা চুইট হাউছে ।
প্ৰতি বছৰে মহানগৰীৰ মাছখোৱাত বিপনী দি গ্ৰাহকৰ লক্ষ্ণৌৰ খাদ্যৰ জুতি দি আহিছে বিপনীখনে । প্ৰতি বছৰৰ দৰে এইবাৰো মাছখোৱাত দুখনকৈ বিপনী দিছে মদিনা চুইট হাউছে। মহানগৰীৰ লগতে ৰাজ্যৰ বিভিন্ন প্ৰান্ত পৰা গ্ৰাহকে ভিৰ কৰেহি এই বিপনীখনত ৷ ৰমজান উপলক্ষে বিৰিয়ানী, চিকেন মাছালা, চিকেন ফ্ৰাই, মোগলাই পৰঠা , গাজৰৰ হালোৱা, গোমৰ হালোৱা, চুজিৰ হালোৱা, গোলাপ জামুসহ মুঠ ২০ বিধ সুস্বাদু খাদ্য সামগ্ৰী লৈ ২৪ মাৰ্চৰ পৰা আৰম্ভ কৰা বিপনী দুখনে গ্ৰাহকৰ আশাব্যঞ্জক সঁহাৰি লাভ কৰিছে বুলি সদৰী কৰে ৷ এই বিপনীখনত পুৱা ৬ বজাৰ পৰা প্ৰায় ১২-১৫ জন কৰ্মীয়ে সুস্বাদু খাদ্য প্ৰস্তুত কৰি দিনৰ ১২ বজাৰ পৰা বিক্ৰী কৰে ৷
এই পবিত্ৰ ৰমজান মাহত পুৱতি নিশা চেহেৰি খোৱাৰ পিছতে ৰমজানৰ ৰোজা ৰাখে ইছলামধৰ্মী লোকসকলে ।
লগতে পঢ়ক: Eviction drive at Silsako: শিলসাঁকোৰ উচ্ছেদিত লোকসকলক পুনৰ সংস্থাপনৰ দাবীত মম জ্বলাই প্ৰতিবাদ
