গুৱাহাটী,8আগষ্টঃ শক্তি বিভাগৰ দায়িত্বজ্ঞানহীনতাৰ বাবে হাৰাশাস্তিৰ সন্মুখীন সোণাপুৰবাসী । ৪৮ ঘণ্টাৰ পাছতো বিদুৎ সংযোগত ব্যৰ্থ শক্তি বিভাগ । মঙলবাৰে নিশা অহা বিধ্বংসী ধুমুহাত ৰাজ্যৰ বিভিন্ন প্ৰান্তৰ লগতে মহানগৰীৰ সমীপৱৰ্তী অঞ্চল সোণাপুৰ থানাৰ অন্তৰ্গত হহৰা গাঁও পঞ্চায়ত এলেকাতো বিস্তৰ ক্ষতিসাধন হয় । এলেকাটোৰ গুমূৰীয়া, কমাৰকুছি, কলংপাৰ, বৰগুগ, বগীবাৰী, নিজহহৰা আদি গাঁৱত গছ-গছনি ভাঙি প্ৰায় ১০০ তকৈও অধিক বিদুতৰ খুঁটা ক্ষতিগ্ৰস্ত হৈছিল । কিন্তু বৃহস্পতিবাৰেলৈকে ৪৮ ঘণ্টা পাৰ হোৱাৰ পিছতো অঞ্চলকেইটাত বিদুৎ যোগান দিব পৰা নাই বিভাগীয় কৰ্তৃপক্ষই । যাৰ ফলত উৎকট গৰম সহিব নোৱাৰি ক্ষোভিত হৈ পৰিছে অঞ্চলবাসী ।
২৪ ঘন্টাই বিদুৎ যোগানত ব্যৰ্থ চৰকাৰ
