আজাৰা,14 নৱেম্বৰঃ বৰঝাৰৰ লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমানবন্দৰত ২৫ লক্ষাধিক টকাৰ সোণসহ এজন লোকক আটক বিমান বন্দৰ আৰক্ষীৰ। ধৃত লোক জনৰ নাম আজমত আলী ৷
বৃহস্পতিবাৰে গুৱাহাটীৰ বৰঝাৰস্থিত লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমানবন্দৰত সোণসহ এজন লোকক আটক কৰে বিমান বন্দৰ আৰক্ষীয়ে। জানিব পৰা মতে সন্ধিয়া প্ৰায় ৬ বজাত GoAirৰ G8-257 নম্বৰৰ বিমানখনত দিল্লীলৈ অহাৰ সময়তে বিমান বন্দৰ আৰক্ষীৰ হাতত আটক হয় আজমত আলী ৷ ধৃত আজমলে মলাশয়ৰ ভিতৰত লৈ আনিছিল ৬৬৪ গ্ৰাম সোণৰ বিস্কুট ৷ যাৰ বজাৰ মূল্য প্ৰায় ২৫.৭৫ লাখ টকা হ'ব বুলি অনুমান কৰা হৈছে । ৪ টা সোণৰ বাৰ(বিস্কুট) ২টাকৈ পেকেটত ভৰাই বেলুনেৰে মেৰিয়াই লৈ আনিছিল আজমত আলীয়ে ৷ পিছত লোকজনৰ লগতে জব্দ হোৱা সোণখিনি বিমানবন্দৰৰ CISF বাহিনীয়ে গতাই দিয়ে Custom বিভাগক ।
লগতে চাওকঃ ডিমা হাছাওত নিৰ্মাণ হ'ব চাৰিলেনযুক্ত পথ
