আজাৰা,17 নৱেম্বৰ: মহানগৰীৰ আজাৰাত সোমবাৰে নিশা 11 জনকৈ সেনা বুলি পৰিচয় দিয়া ভুৱা সেনাৰ জোৱানৰ দল গ্ৰেপ্তাৰ ৷ দলটোৱে সেনাৰ পোচাকত বৰঝাৰ বিমানবন্দৰত তহল দি থকা অৱস্থাত গ্ৰেপ্তাৰ কৰে আজাৰা আৰক্ষীয়ে ৷ সম্প্ৰতি এই ঘটনা সন্দৰ্ভত মহানগৰ আৰক্ষীৰ উচ্চ পদস্থ বিষয়াসকলে তদন্ত আৰম্ভ কৰাৰ লগতে যুটীয়া মহানগৰ আৰক্ষী আয়ুক্তই এই বিষয়ত প্ৰকাশ কৰিছে প্ৰতিক্ৰিয়া ৷ দলটোৰ পৰা আৰক্ষীয়ে উদ্ধাৰ কৰে এখন মাৰুতি চুইফটৰ উপৰিও পাঁচখনকৈ মটৰ চাইকেল আৰু ভুৱা পৰিচয় পত্ৰ ৷ বৰ্তমান আটাইকেইজনকে আজাৰা আৰক্ষী থানাত ৰাখি সোধ-পোছ অব্যাহত ৰাখিছে আৰক্ষীয়ে ৷
আনহাতে,গ্ৰেপ্তাৰ হোৱা যুৱককেইজনৰ সন্দৰ্ভত পৰিয়ালৰ লোকে প্ৰকাশ কৰিছে মন্তব্য ৷ পৰিয়ালৰ মন্তব্য অনুসৰি,যুৱকৰ দলটোক এই কামত মোতায়েন কৰিছিল ধীমান কৃষ্ণ নামৰ এগৰাকী ব্যক্তিয়ে ৷ ধীমান কৃষ্ণ নামৰ ব্যক্তিগৰাকী সেনা বাহিনীৰ উচ্চ পৰ্যায়ৰ বিষয়া বুলি কোৱাৰ পিছতহে যুৱকসকলে ব্যক্তিগৰাকীক যোগাযোগ কৰিছিল ৷ তদুপৰি ধীমানে এইসকল যুৱকক সেনা বাহিনীত যোগদান কৰাইছিল বুলি পৰিয়ালৰ লোকে প্ৰকাশ কৰিছে ৷ কিন্তু ৰহস্যজনকভাৱে কোন এই ধীমান সেই সন্দৰ্ভত কোনো তথ্য পোহৰলৈ অহা নাই ৷ এই সন্দৰ্ভত সকলো তথ্য পোহৰলৈ অহাৰ সম্ভাৱনা আছে আৰক্ষীৰ তদন্তৰ পিছতহে ৷
লগতে চাওকঃ সেনাৰ বেশত তহল দিবলৈ আহি আজাৰাত গ্ৰেপ্তাৰ ১১জন লোক
