বকো,28 জানুৱাৰী: কামৰূপ জিলাৰ বকোত দুদিনীয়াকৈ অনুষ্ঠিত হোৱা দ্বৈত বেডমিণ্টন প্ৰতিযোগিতা খনি বৃহস্পতিবাৰে সফল সামৰণি পৰে ৷ বকো বেডমিণ্টন ক্লাৱে অনুষ্ঠিত কৰা এই প্ৰতিযোগিতা খনিত বিভিন্ন জিলাৰ পৰা অহা খেলুৱৈয়ে অংশ গ্ৰহণ কৰে ৷ উদ্যোক্তাই জনোৱা অনুসৰি বকো বিধানসভা সমষ্টিৰ বিধায়িকা নন্দিতা দাসে প্ৰতিযোগিতাৰ শুভাৰম্ভ কৰে ৷
এই আকৰ্ষণীয় প্ৰতিযোগিতাত স্বৰ্গীয় ধৰ্মেশ্বৰ পাঠক সোঁৱৰণি প্ৰথম স্থান লাভ কৰে কামৰূপ জিলাৰ কুলদ্বীপ আৰু জ্যোতিৰ্ময়ে ৷ আনহাতে স্বৰ্গীয় হনুমান দত্ত শৰ্মা সোঁৱৰণি দ্বিতীয় পুৰস্কাৰ লাভ কৰে গোৱালপাৰা জিলাৰ দূধনৈৰ হিমদীপ্ত আৰু মেঘনাথে ৷ ইফালে তৃতীয় পুৰস্কাৰ লাভ কৰে কামৰূপ জিলাৰ মিৰ্জাৰ গৌৰভ আৰু পাৰ্থই আৰু প্ৰতিযোগিতাখনত শ্ৰেষ্ঠ খেলুৱৈ খিতাপ অৰ্জন কৰে গোৱালপাৰা জিলাৰ দূধনৈৰ হিমদীপ্তই ৷
লগতে পঢ়কঃ বশিষ্ঠত ভয়াৱহ অগ্নিকাণ্ড : ভাড়াঘৰসহ কাৰখানা ভস্মীভূত
