আজাৰা, 28 মে’: বৃহস্পতিবাৰে বৰঝাৰ বিমানবন্দৰ পৰিদৰ্শন কৰি শেহতীয়া পৰিস্থিতিৰ বুজ লয় মুখ্যমন্ত্ৰী সৰ্বানন্দ সোণোৱালে। বিমানবন্দৰৰ পৰা পৰিবহন বিভাগে 200 খন বাহনৰ যোগান ধৰা বুলি ঘোষণা কৰে মুখ্যমন্ত্ৰীগৰাকীয়ে ৷ লক ডাউন অব্যাহত থকাৰ মাজতে দেশৰ বিভিন্ন প্ৰান্তত আৱদ্ধ লোকৰ বাবে 25 মে’ৰ পৰা পুনৰ আৰম্ভ হৈছে ঘৰুৱা বিমান সেৱা ।
25 মে’ৰ পৰা বৰ্তমানলৈ 38 খন বিমানত 3428 জন যাত্ৰী আহিছে আৰু 1190জন যোৱা বুলি মুখ্যমন্ত্ৰী সোণোৱালে সদৰী কৰে । লগতে চিকিৎসা কৰ্মী আৰু পৰিবহণ বিভাগৰ কৰ্মচাৰীসকলে যি ধৰণে কাম কৰি আছে তাৰ বাবে শ্ৰদ্ধা জনাইছে তেওঁ ।
আনহাতে, এই বিমানসেৱা মুকলি কৰাৰ পিছত বৰ্তমানলৈ কামৰূপ জিলা পৰিবহন বিভাগৰ তৰফৰ পৰা প্ৰায় 200 খন বাহন যাত্ৰীৰ সুবিধাৰ্থে মুকলি কৰি দিয়া হৈছে । বাহনসমূহৰ জৰিয়তে যাত্ৰীসকলক ৰাজ্যৰ বিভিন্ন জিলালৈ পঠিওৱা হৈছে বুলি কামৰূপ জিলা পৰিবহন বিষয়া গৌতম দাসে জানিবলৈ দিয়ে ।
লগতে পঢ়ক: বদৰপুৰত চৰগোলা ঘোৰামাৰা গাওঁ পঞ্চায়তত ব্যাপক দুৰ্নীতি
