ছয়গাওঁ, 13 ডিচেম্বৰঃ নাগৰিকত্ব সংশোধনী আইন বাতিলৰ দাবীত ছয়গাঁৱত উত্তাল প্ৰতিবাদ ৷ ৰাজপথলৈ ওলাই আহি প্ৰতিবাদ সহস্ৰাধিক ৰাইজৰ ৷ প্ৰতিবাদকাৰীসকলক সহযোগিতা প্ৰদান কৰে ছয়গাওঁ সমষ্টিৰ বিধায়ক ৰেকিবুদ্দিন আহমেদৰ লগতে বিভিন্ন দল-সংগঠনে ৷ গুৱাহাটী-গোৱালপাৰা সংযোগী 17 নং ৰাষ্ট্ৰীয় ঘাইপথ অৱৰোধ কৰে প্ৰতিবাদকাৰীসকলে ৷
আনহাতে, বৃহস্পতিবাৰে আৰক্ষীৰ গুলিত নিহত হোৱা ছয়গাঁৱৰ যুৱক দীপাঞ্জল দাসৰ মৃতদেহ স্ব-গৃহলৈ লৈ অনা হয় ৷ শুকুৰবাৰে যুৱকজনৰ মৃতদেহ ছয়গাঁৱলৈ অনাৰ পিছতে হাজাৰ হাজাৰ লোকে শ্ৰদ্ধাঞ্জলি প্ৰদান কৰে ৷ এক বৃহৎ সমদলৰ মাজত লৈ অনা হয় যুৱকজনৰ মৃতদেহ ৷ উল্লেখ্য যে, দীপাঞ্জল দাসক মৃত ঘোষণা কৰি আছুৱে 11 ঘন্টীয়া বন্ধ ঘোষণা কৰে ছয়গাঁৱত ৷
স্ব-গৃহত দীপাঞ্জল দাসৰ মৃতদেহ
লগতে পঢ়ক- সান্ধ্য আইন বাহাল যদিও উন্নত হৈছে গুৱাহাটীৰ পৰিস্থিতি
