ছয়গাঁও, ২ জুলাই : ছয়গাঁও আৰক্ষী থানাৰ অধীনস্থ কুকুৰমাৰা আৰক্ষীয়ে ফটুৰীৰ পৰা এখন মটৰ চাইকেলসহ গ্ৰেপ্তাৰ কৰে এজন লোকক ৷ কুকুৰমাৰা পহৰা আৰক্ষী চকীৰ ভাৰপ্ৰাপ্ত বিষয়া দ্বিজেন্দ্ৰ মেধিৰ নেতৃত্বত যোৱা আৰক্ষী দলটোই বৃহস্পতিবাৰে নিশা ফটুৰীত অভিযান চলাই এ এছ ০১ এ এল ৪০২৮ নম্বৰ পালচাৰ বাইকসহ লোকজনক আটক কৰে। আৰক্ষীয়ে আটক কৰা লোকজন ফটুৰী জলমদানীৰ উমেদ আলীৰ পুত্ৰ আবেদ আলী বুলি জানিব পৰা গৈছে।
ছয়গাঁৱত চুৰি বাইকসহ আটক এজন
লগতে পঢ়কঃ গোলাঘাটত বানৰ বিধ্বস্ত ৰূপ
আৰক্ষী সূত্ৰে পোৱা তথ্য অনুসৰি, আবেদ আলীৰ সৈতে জব্দ কৰা মটৰ চাইকেলখন চুৰি কৰা মটৰ চাইকেল আছিল ৷ ফলস্বৰূপে মটৰ চাইকেলখনৰ নথি পত্ৰত যথেষ্ট বিসংগতি পায় । মটৰ চাইকেলখনৰ নাম্বাৰ প্লেটত যি নম্বৰ আছে তাৰ বিপৰীতে পঞ্জীয়ন কাৰ্ডখনত অন্য নম্বৰ থকা বুলিও আৰক্ষীয়ে জানিবলৈ দিয়ে ৷ লোকজনক ছয়গাঁও আৰক্ষী থানাত জেৰা অব্যাহত ৰাখিছে আৰক্ষীয়ে ৷
