বকো,24 এপ্ৰিল: বকোত কেন্দ্ৰীয়ভাৱে পালন সপ্তদশ বাৰ্ষিক ৰাভা জাতীয় শ্বহীদ দিৱস ৷ ৰাভা সংগ্ৰামত আত্মাহুতি দিয়া বীৰ শ্বহীদক স্মৰণ কৰি এই জাতীয় শ্বহীদ দিৱস পালন কৰা হয় ৷ নিখিল ৰাভা ছাত্ৰ সন্থা, নিখিল ৰাভা মহিলা পৰিষদ আৰু ষষ্ঠ অনুসূচী দাবী সমিতিৰ উদ্যোগত কামৰূপ জিলা ৰাভা ছাত্ৰ সন্থাৰ সহযোগত শুকুৰবাৰে বকোত ৰাভা জাতীয় শ্বহীদ দিৱস আয়োজিত কৰা হয় ৷
বকো জৱাহৰলাল নেহৰু মহাবিদ্যালয়ৰ সমীপত জাৰাপাৰাত কামৰূপ জিলা ৰাভা ছাত্ৰ সন্থাই নতুনকৈ স্থাপন কৰা শ্বহীদ বেদীত এই দিৱস পালন কৰা হয় ৷ উল্লেখ্য যে, শ্বহীদ দিৱসত নিখিল ৰাভা ছাত্ৰ সন্থাৰ সভাপতি নৃপেন খাণ্ডা, ৰাভা হাছং স্বায়ত্ব শাসিত পৰিষদৰ উপাধ্যক্ষ ৰমাকান্ত ৰাভা, কামৰূপ জিলা পৰিষদৰ উপ-সভাপতি কম্বুৰাম ৰাভাকে ধৰি বহুকেইজন ৰাভা নেতৃত্ব উপস্থিত থাকে । ক’ভিডৰ বাবে প্ৰশাসনিক নিৰ্দেশনা মানি অনুষ্টুপীয়াকৈ শ্বহীদ দিৱস পালন কৰে ৰাভা ছাত্ৰ সন্থাই ।
লগতে পঢ়ক : বৰপেটাৰোডত চোৰাং তেল চুৰি চক্ৰ উৎখাত
