কাৰ্যালয়ত তলা ওলোমালে বিজেপিৰ তৃণমূল কৰ্মীয়ে

শুকুৰবাৰে বকোত বিজেপিৰ তৃণমূল কৰ্মকৰ্তাই বকো সমষ্টি অগপক এৰি দিয়াক কেন্দ্ৰ কৰি সৃষ্টি কৰে উত্তপ্ত পৰিস্থিতিৰ ৷ কোনো কাৰণতে বকোক অগপক এৰি দিয়া নিদিবলৈ ৰাজ্যিক নেতৃত্বক অনুৰোধ জনাই প্ৰতিবাদকাৰী কৰ্মীসকলে ৷

বকো,6 মাৰ্চ: ৰাজ্যৰ ভিন্ন সমষ্টিত অব্যাহত আছে প্ৰাৰ্থিত্বকেন্দ্ৰিক সংঘাত ৷ ইতিমধ্যে বিজেপি মিত্ৰজোঁটে প্ৰাৰ্থীৰ তালিকা প্ৰকাশ কৰে যদিও একাংশ সমষ্টি বিজেপিয়ে মিত্ৰদল অগপক এৰি দিয়াত ক্ষুণ্ণ হৈ পৰিছে বিজেপি দলৰ তৃণমূল কৰ্মকৰ্তা ৷ শুকুৰবাৰে বকোত বিজেপিৰ তৃণমূল কৰ্মকৰ্তাই বকো সমষ্টি অগপক এৰি দিয়াক কেন্দ্ৰ কৰি সৃষ্টি কৰে উত্তপ্ত পৰিস্থিতিৰ ৷ কোনো কাৰণতে বকো অগপক এৰি নিদিবলৈ ৰাজ্যিক নেতৃত্বক অনুৰোধ জনাই প্ৰতিবাদকাৰীসকলে ৷

কৰ্মীসকলৰ দাবী, অগপৰ সৈতে সমষ্টিটোত বন্ধুত্বপূৰ্ণভাৱে হ'লেও বিজেপি প্ৰাৰ্থী প্ৰদান কৰক ৷ ৰাজ্যিক নেতৃত্বৰ বিৰুদ্ধে ক্ষোভ প্ৰকাশ কৰি দলীয় কৰ্মকৰ্তাসকলে দক্ষিণ কামৰূপ জিলাৰ বিজেপি সভাপতি ধনেশ্বৰ তালুকদাৰক বকোৰ কাৰ্যালয়ত প্ৰৱেশত বাধা দি কাৰ্যালয়ত তলা লগাই দিয়ে ৷

লগতে পঢ়কঃ প্ৰাৰ্থীৰ তালিকা প্ৰকাশ পোৱা পাচতে কি ক'লে ৰাজ্যিক বিজেপিৰ নেতৃত্বই ...