ৰঙিয়া, 22 ছেপ্তেম্বৰ : নিশা দুৰ্বৃত্তই জ্বলালে ৰঙিয়াৰ লাহাপাৰা আৰু তুলসীবাৰী জয়ন্তীপুৰ সংযোগী একমাত্ৰ বাঁহৰ সাঁকো ৷ লাহাপাৰাৰ দিশত জুই লগাত সাঁকোখনৰ প্ৰায় দহ মিটাৰ অংশ জাহ যায় ৷ ঘটনাৰ খবৰ লাভ কৰি ৰাতিয়েই ঘটনাস্থলীত উপস্থিত হয় আৰক্ষী বিভাগ ৷ উল্লেখ্য যে, লাহাপাৰাৰ দিশৰ পৰা যাতায়তৰ একমাত্ৰ সম্বল আছিল এই সাঁকোখন ৷ সাঁকোখন জ্বলি যোৱাৰ ফলত পুৱাৰ ভাগত স্থানীয় ৰাইজে যথেষ্ট অসুবিধাৰ সন্মুখীন হয় ৷
লাহাপাৰা আৰু তুলসীবাৰী জয়ন্তীপুৰ সংযোগী বাঁহৰ সাঁকো জ্বলালে দুৰ্বৃত্তই
ইয়াৰ পাছতে স্থানীয় যুৱকসকলে হাতে - কামে লাগি সাঁকোখনৰ মেৰামতি কৰিবলৈ চেষ্টা কৰে ৷
