কামৰূপ,31মেঃ দক্ষিণ কামৰূপৰ ৰামপুৰৰ মেধাসম্পন্ন ছাত্ৰ প্ৰৱালজ্যোতি কলিতা। সদ্যঘোষিত উচ্চতৰ মাধ্যমিক শিক্ষান্ত পৰীক্ষাত সুখ্যাতিৰে কলা শাখাত উত্তীৰ্ণ হয় প্ৰবাল। পিতৃ-মাতৃৰ একমাত্ৰ সন্তান তথা ঘৰৰ উপাৰ্জনকাৰী প্ৰবাল বৰ্তমান শয্যাশায়ী ৷ দুৰাৰোগ্য ৰোগত আক্ৰান্ত প্ৰবালৰ উচ্চ চিকিৎসাৰ বাবে অপাৰগ পিতৃ বিশ্বমোহন কলিতা ৷
ব্ৰেইন টিউমাৰত আক্ৰান্ত প্ৰবালক ইতিমধ্যে পৰিয়ালৰ লোকে গুৱাহাটী চিকিৎসা মহাবিদ্যালয় আৰু জি এন আৰ চিত কিছু চিকিৎসা প্ৰদান কৰিছে যদিও সেয়াই যথেষ্ট নহয় ৷ প্ৰবালৰ চিকিৎসাৰ বাবে বৰ্তমান দৰকাৰ প্ৰায় ৮ লাখ টকাৰ যিটো প্ৰবালৰ পিতৃৰ বাবে সপোনৰো অগোচৰ ৷ যদিও চেষ্টা অব্যাহত ৰাখিছে প্ৰবালৰ বন্ধু-বান্ধৱ তথা স্থানীয় এদল যুৱক-যুৱতীয়ে ৷
ইয়াৰোপৰি ৰাইজলৈ প্ৰাৰ্থনা জনাইছে প্ৰবালৰ পৰিয়ালৰ লোকে যাতে কিছু সহায় আগবঢ়াই প্ৰবালক পুনৰ জীৱন দান দিয়ে ৷ আপোনাৰ এধানি সহায়ে সুস্থ কৰি তুলিব প্ৰবালক ৷ পুনৰ স্বাভাৱিক জীৱন যাপন কৰিব পাৰিব প্ৰবালে ৷ আপুনি যদি সহায় কৰিব বিচাৰে তেনেহ'লে প্ৰবালৰ পিতৃৰ পাণ বজাৰ "State Bank of India শাখাৰ 10824109962 নম্বৰ একাউন্টত দিব পাৰিব ৷
IFSC নম্বৰঃ "SBIN0000078"
